Óskemen áýejaıy basshylyǵyna aıyppul salyndy

ÓSKEMEN. QazAqparat - «Qazaqstannyń avıatsııalyq ákimshiligi» AQ Óskemendegi áýejaıǵa jospardan tys tekserý júrgizdi. Bul týraly QazAqparat Azamattyq avıatsııa komıtetine silteme jasap habarlaıdy.

«Tekserý nátıjeleri boıynsha júıeli sıpatqa ıe avıatsııalyq qaýipsizdik talaptarynyń birqatar buzýshylyqtary anyqtaldy. Avıatsııalyq qaýipsizdik talaptaryn buzǵany úshin jáne «Qazaqstan Respýblıkasynyń áýe keńistigin paıdalaný jáne avıatsııa qyzmeti týraly» Qazaqstan Respýblıkasy Zańynyń 107 – babyna sáıkes áýejaıdyń birinshi basshysy N.I. Korolenko, onyń orynbasary-áýejaıdyń avıatsııalyq qaýipsizdik qyzmetiniń basshysy R. A. Grıgorev jáne «Óskemen áýejaıy» AQ Qazaqstan Respýblıkasynyń «Ákimshilik quqyq buzýshylyq týraly» Kodeksiniń 570-babynyń 1 jáne 2 bóligi boıynsha jalpy somasy 480 AEK (735 120 tg.) aıyppul túrindegi ákimshilik jaýapkershilikke tartyldy», - delingen habarlamada.

Foto: storage.myseldon.com