Óskemen áýejaıynyń jalǵa berý shartyn buzǵan laýazymdy tulǵalary jaýapqa tartyldy

<p>Shyǵys Qazaqstan kólik prokýratýrasy júrgizgen taldaýdyń nátıjesinde Óskemen qalasy áýejaıy alańdardy jalǵa alý-berý kezinde baǵa saıasatyn buzǵandyǵyn anyqtady, dep habarlaıdy <a href="https://kaz.inform.kz/news/aksha-ayirbastau-orindarinda-dollar-kanshadan-saudalanip-zhatir-8eb681/Kazinform" target="_blank" rel="noopener">Kazinform</a>.</p>

«Óskemen áýejaıy» AQ bekitilgen preıskýrantqa qaramastan, jekelegen kásipkerlerge jaldaý aqysynyń qunyn edáýir tómendetken.

Mysaly, áýejaı basshylyǵy kommertsııalyq maqsattar úshin kásipkerlik sýbektisine 100 sharshy metr kólemindegi aýmaqty aı saıyn 50 myń teńge kóleminde berse, basqa kásipkerge 10 sharshy metrge kofe ázirleý apparatyn ornalastyrýǵa 100 myń teńgege bergen.

«Jalǵa berýde ártúrli sharttardy qoldaný osy saladaǵy bıznestiń salaýatty básekelestigin qalyptastyrýǵa teris áser etken, jolaýshylarǵa óz qyzmetterin edáýir arzanyraq usyna alatyn basqa kásipkerlerdiń naryq segmentine qol jetkizý quqyǵyna nuqsan keltirildi.

Prokýratýra aralasýynan soń sharttar qoldanystaǵy zańnamanyń talaptaryna sáıkes keltirildi, kináli laýazymdy tulǵalar tártiptik jaýapkershilikke tartyldy, al kásipkerlerge jaldaý tólemderin qaıta esepteý júrgizilýde», — dep jazdy baqylaýshy organnan.

Osyndaı zańdylyqtyń jaı-kúıine taldaýdy Astana qalasynyń avıatsııalyq kólik prokýratýrasy astanalyq áýejaıdyń qyzmetine de júrgizýde, atap aıtqanda olarmen jalǵa alýshylarǵa «tıptik sharttarmen» belgilengen artyq talaptar men tólemderdiń negizdiligi zerdelenedi.

Jalǵa alýdy asyra baǵalaý jáne bıznes júrgizý úshin teń emes jaǵdaılardy jasaý, áýe aılaǵy aýmaǵynda jolaýshylar men basqa tulǵalarǵa kórsetiletin kommertsııalyq qyzmetterdiń baǵasyna áser etedi.