Óskemen – Almaty poıyzynda er adam qaıtys boldy

<p>ASTANA. KAZINFORM &ndash; 1 tamyz kúni Óskemen-Almaty poıyzynda 74 jastaǵy jolaýshy áıeli men nemeresiniń kóz aldynda qaıtys boldy. Tragedııa týraly Óskemen pablıkteriniń birinde kýágerler beınejazbasynan belgili boldy.</p>

Vıdeo avtorynyń aıtýynsha, er adam qatty ystyqtan jáne taza aýanyń bolmaýynan ózin nashar sezingen. Jubaıy ony tambýrǵa alyp shyqqan, onda er adam qulap, qaıtys bolǵan.

QTJ er adamnyń qaıtys bolǵany týraly aqparatty rastady jáne 2024 jylǵy 1 tamyzda Saryózek stantsııasynda №351 «Óskemen – Almaty» poıyzynyń basshysy densaýlyq jaǵdaıynyń kúrt nasharlaýyna baılanysty 74 jastaǵy jolaýshyǵa jedel járdem shaqyrǵanyn habarlady.

«Jolaýshy jubaıynyń súıemeldeýimen Jalǵyztóbe stantsııasynan Almatyǵa bara jatqan. Áıeliniń aıtýynsha, er adam demikpemen aýyrǵan jáne shýnttaý protsedýrasyn jasatqan. Poıyz jolserikteri jolaýshylarmen jáne medıtsına qyzmetkerlerimen birge alǵashqy medıtsınalyq kómek kórsetý úshin barlyq múmkin sharalardy jasaǵan. Ókinishke qaraı, jedel járdem brıgadasy jolaýshynyń qaıtys bolǵanyn aıtty. Poıyzben júrý kezinde jolaýshy jolserikke júginbegen jáne densaýlyǵynyń nasharlaýyna shaǵymdanbaǵan. Ulttyq tasymaldaýshy kompanııa jolaýshynyń otbasyna shyn júrekten kóńil aıtady», - dep habarlady QTJ baspasóz qyzmeti.