«Oskar» júldesine jańa nomınatsııa qosyldy

<p>ASTANA. KAZINFORM - Álemdegi eń bedeldi kıno syılyǵy &laquo;Oskar&raquo; 2026 jyly jańa nomınatsııa qosatyn boldy. Amerıkalyq Kıno óneri jáne ǵylymdary akademııasy úzdik kastıng úshin júlde beretinin jarııalady. Bul týraly <a href="https://www.bbc.com/russian/articles/cn0n1ygrrwpo" target="_blank" rel="noopener">VVS</a> jazdy.&nbsp;</p>

2002 jyly «Úzdik anımatsııalyq fılm»qosylǵannan beri bul birinshi jańa nomınatsııa bolady.

Sońǵy jyldary kastıng dırektorlary dybys rejısserleri, kostıýmerler jáne grımshiler sııaqty basqa kınoındýstrııa kásipqoılarymen teń dárejede tanyldy.

«Kastıng-dıretorlar fılm túsirýde mańyzdy ról atqarady jáne Akademııa damyp kele jatqanda, biz tanıtyn jáne atap ótetin pánder qataryna kastıngti qosqanymyzdy maqtan tutamyz», - delingen Akademııanyń bas dırektory Bıll Kramer men prezıdent Djanet ıAngtiń birlesken málimdemesinde.

Málimdemede úzdik kastıng úshin músinsheniń marapattaý rásimi kezinde berilý-berilmeýi naqtylanǵan joq. Qazirgi ýaqytta gala-qoıylym kezinde barlyq 23 nomınatsııa boıynsha marapattar tikeleı efırde beriledi.

2022 jyly onsha tanymal emes nomınanttarmen keıbir nomınatsııalar boıynsha marapattardy aldyn ala jazý arqyly saltanatty rásimdi qysqartý áreketi salanyń keri áserin týdyrdy. Aqyry bul ıdeıadan bas tartyldy.

Úzdik kastıng nomınatsııasyn qosý naýqany birneshe jyldan beri jalǵasyp keledi. AFP habarlaýynsha, kaskaderler de ózderiniń «Oskar» syılyǵyna úmitker bolýyn lobbıleýde, biraq ázirge nátıje joq.

Ulybrıtanııalyq BAFTA úzdik kastıng úshin júldeni 2020 jyldan beri tabystap keledi.