OSK ulttyq baıqaýshylarǵa jańa talaptar qoıǵan joq – Konstantın Petrov

NUR-SULTAN. QazAqparat – Ortalyq saılaý komıssııasy ulttyq baıqaýshylarǵa qatysty jańa talaptar qoıǵan joq. Komıssııanyń búgingi otyrysynda Ortalyq saılaý komıssııasy tóraǵasynyń orynbasary Konstantın Petrov osylaı dedi, dep habarlaıdy QazAqparat tilshisi.

«Engizilgen eshbir jańalyq joq. Bári de Ortalyq saılaý komıssııasynyń qaýlylaryna negizdelgen. Shynaıy fakttar bolǵandyqtan osy qaýly (baqylaýshylardyń jumysy týraly) qabyldandy. Sebebi bizdegi úkimettik emes uıymdardyń úshten biri óz jumysyn turaqty túrde júrgizbeıdi. Saılaý komıssııalary olardyń qaısysy jumys isteıtinin, qaısysy jumys istemeıtinin teksere almaıdy. Sol sebepti ulttyq baqylaýshy retinde saılaý ýchaskesine tirkelý úshin naqty qandaı qujattardyń kerektigin naqtyladyq», - dep túsindirdi Konstantın Petrov.

Odan buryn zańdy tulǵalardyń jarǵysynda azamattardyń baıqaýshy bolýǵa quqyǵy bary habarlanǵan bolatyn. Azamattyq kodekstiń talaptaryna sáıkes (141, 106, 107-baptar) zańdy tulǵanyń quryltaı qujattarynda ony qurýdyń máni men maqsattary kórsetilýi tıis.