OSK taǵy bir halyqaralyq baıqaýshyny akkredıtteý kúshin joıdy

NUR-SULTAN. QazAqparat - 2019 jylǵy 9 maýsymda ótetin QR Prezıdentiniń kezekten tys saılaýynda halyqaralyq uıym baıqaýshysyn akkredıtteý kúshi joıyldy, dep habarlaıdy QazAqparat tilshisi.

Halyqaralyq baıqaýshy túrkitildes memleketter yntymaqtastyq keńesiniń atynan ótinim bergen.

«QR Syrtqy ister mınıstrliginiń 2019 jylǵy 23 mamyrdaǵy № 14-3/1918 usynymy negizinde túrkitildes memleketter yntymaqtastyq keńesiniń baıqaýshysy Djeıhýn Shahverdıevti akkredıtteý kúshin joıý jáne kýáligin keri qaıtaryp alý týraly sheshim shyǵaryldy. Onyń ornyna ózge baıqaýshy - Farýh Djýmaev akkredıtteldi», - dedi QR Ortalyq saılaý komıssııasynyń múshesi Záýresh Baımoldına komıssııanyń ashyq otyrysynda.

Onyń aıtýynsha, buǵan deıin EQYU baıqaýshysy da aýystyrylǵan. Mundaı sheshimder halyqaralyq uıymdardyń ótinimimen júzege asyrylady.

2019 jyldyń 3 maýsymynda saǵat 18.00-de halyqaralyq uıymdar men ózge memleketterdiń baıqaýshylaryn akkredıtteý toqtatylady.