OSK Saltanat Tursynbekovanyń kandıdatýrasyn maquldady

ASTANA. QazAqparat - Ortalyq saılaý komıssııasy QR Prezıdenttigine kandıdat Saltanat Tursynbekovanyń QR Konstıtýtsııasy men QR saılaý týraly Konstıtýtsııalyq zańynda qoıylǵan talaptarǵa saı keletindigin rastady, dep habarlaıdy QazAqparat tilshisi.

Ortalyq saılaý komıssııasynyń kezekti otyrysynda QR Prezıdenttigine kandıdat Saltanat Tursynbekovanyń sáıkestigin anyqtaý máselesi qaraldy.

Ortalyq saılaý komıssııasynyń múshesi Altynbek Smaǵulov Saltanat Tursynbekova kandıdatýrasynyń «Qazaq analary – dástúrge jol» qoǵamdyq uıymy atynan usynylǵanyn eske saldy.

QR OSK tóraǵasy Nurlan Ábdirov málimdegendeı, QR Konstıtýtsııalyq Zańynyń 54-babyna , 3-tarmaǵyna jáne 2-tarmaqshasyna, 6-tarmaǵyna jáne 56-babyna sáıkes QR Prezıdenttigine kandıdat Saltanat Tursynbekova QR Konstıtýtsııasy jáne QR saılaý týraly Konstıtýtsııalyq zańynda qoıylǵan talaptarǵa tolyq sáıkes keledi.

Sondaı-aq, atalǵan úmitkerdiń memlekettik tildi meńgerý deńgeıine qatysty lıngvıstıkalyq komıssııa sheshimi shyqty.

«Emtıhan qorytyndysy boıynsha lıngvıstıkalyq komıssııa Qazaqstan Respýblıkasynyń prezıdenttigine kandıdat Tursynbekova Saltanat Parhatqyzy memlekettik tildi erkin meńgergeni rastap, biraýyzdan sheshim qabyldady», - delingen habarlamada.