OSK Respublica partııasynyń Májilis saılaýyna usynǵan 23 kandıdatyn tirkedi
«Saılaý» týraly QR Konstıtýtsııalyq zańynyń 90-babynyń 1-tarmaǵyna sáıkes, Respublica partııasy qoǵamdyq berlestiginiń partııalyq tiziminen olardyń ótinishteri negizinde Darhan Serikuly Imanashevti, Oljas Abazuly Sultanovty partııa tiziminen shyǵarý boıynsha OSK óz quzyreti sheńberinde tıisti sheshimder jobalaryn daıyndady.
Osyny eskere otyryp, partııa tizimine 23 adam, onyń ishinde 8 kandıdat – áıelder, jastar jáne múgedektigi bar adamdar engizilgen. Olar búkil kanıdadattardyń 34,8 paıyzyn quraıdy. Beligilengen kvota saqtaldy.
Partııalyq tizimge engizilgen barlyq adam Konstıtýtsııanyń jáne «Saılaý týraly» Konstıtýtsııalyq zańnyń talaptaryna sáıkes keledi», - dedi OSK múshesi Shavkat Ótemisov.
Komıssııanyń 13-otyrysynyń qorytyndysy boıynsha, Ortalyq saılaý komıssııasynyń músheleri Respublica partııasynyń partııalyq tizimin tirkeý týraly hattamalarǵa qol qoıdy.
Eske salsaq, Respublica partııasynan Májilis depýtattyǵyna úmitkerler tizimine 29 adam engizilgen bolatyn. Alaıda, keshe bir mandatty júıe boıynsha usynylǵan úmitker, partııanyń teń tóraǵalarynyń biri Syrymbek Taýdyń tizimnen shettetilgeni belgili boldy.