OSK Prezıdenttikke úmitkerdi qoldap qol qoıý paraqtaryn berýdiń jáne qoldardyń rastyǵyn tekserýdiń merzimderin qysqartty
«2015 jylǵy 26 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýynda Qazaqstan Respýblıkasynyń Prezıdenttigine úmitkerdi qoldap qol qoıý paraqtaryn berýdiń jáne qoldardyń rastyǵyn tekserýdiń merzimderin qysqartý týraly» QR OSK-nyń 2015 jylǵy 27 aqpandaǵy №6/266 qaýlysyna sáıkes qol qoıý paraqtary onyń Konstıtýtsııada jáne «Qazaqstan Respýblıkasyndaǵy saılaý týraly» Konstıtýtsııalyq zańda belgilengen talaptarǵa sáıkestigi tekserilgennen keıin Ortalyq saılaý komıssııasyna eki kúntizbelik kúnniń ishinde beriledi Budan buryn bul rásimge bes kún berilgen bolatyn», - dep kórsetilgen Ortalyq saılaý komıssııasynyń habarlamasynda.
Sondaı-aq úmitkerdi qoldaıtyn qoldardyń rastyǵyn aýmaqtyq saılaý komıssııalarynyń tekserý merzimi onnan bes kúntizbelik kúnge deıin qysqartyldy.
Saılaý komıssııalarynyń osy saılaý rásimderin júzege asyrý merzimderin qysqartý týraly sheshimdi Ortalyq saılaý komıssııasy úmitkerlerdiń múddesi úshin ǵana qabyldady jáne olar úshin ýaqyttyń jalpy resýrstaryn ulǵaıtady.