OSK prezıdenttikke úmitker neshe adamnyń qujaty keri qaıtarylǵanyn aıtty
10:03, 12 Qazan 2022
ASTANA. QazAqparat – Ortalyq saılaý komıssııasynyń hatshysy Muhtar Erman QR Prezıdenttigine úmitker bolýǵa nıet tanytqan neshe adamnyń qujaty keri qaıtarylǵanyn málim etti, dep habarlaıdy QazAqparat tilshisi.
«Ortalyq saılaý komıssııasyna osy kúnge deıin neshe adamnan kezekten tys prezıdent saılaýyna úmitker retinde usynys tústi? Ol usynystyń nesheýinen bas tartyldy?»,-dep surady BAQ ókili OSK-nyń kezekti brıfıngisinde.
OSK hatshysy Muhtar Ermannyń aıtýynsha, tek bir adamnyń qujaty ǵana keri qaıtarylǵan.
«Biz usynys qabyldamaımyz, qujat qabyldaımyz. Qujat tapsyrǵan 12 tulǵa bar. Osy tulǵalardyń báriniń aty-jónin jańa ǵana atap shyqtym. Al emtıhan tapsyrǵan 5 úmitker bar. Búgin taǵy 2 emtıhan bar, tús qaıta», - degen OSK hatshysy.