OSK Prezıdent saılaýynda daýys berýshiler sanynyń artýyn túsindirdi

ASTANA. QazAqparat – QR Ortalyq saılaý komıssııasy 20 qarashada ótken kezekten tys QR Prezıdenti saılaýynda daýys berýshilerdiń kóbeıý sebebin aıtty, dep habarlaıdy QazAqparat tilshisi.

«Referýndýmǵa qaraǵanda Prezıdent saılaýynda daýys berýshilerdiń sany aıtarlyqtaı artty. 720 myńnan 950 myńǵa deıin kóbeıdi. Bul másele halyqpen kezdesý barysynda birneshe ret qozǵaldy. Bizde referendým maýsymda ótti, al prezıdent saılaýy qarashada ótti. Birneshe aı ishinde qalaısha 200 myńǵa artty degen kúmán týdy. Bul biz júrgizgen jumystyń nátıjesi. Atap aıtqanda, 54,5 myń daýys berýshi ózderi ótinish bildirdi. Sol sııaqty jataqhanada turyp jatqan 37 myń stýdent tirkeldi. Odan bólek, 18 myńǵa jýyq áskerı qyzmetshini tirkep, daýys berý múmkindigi uıymdastyryldy», - dedi QR Ortalyq saılaý komıssııasy tóraǵasynyń orynbasary Konstantın Petrov elordada ótip jatqan aýmaqtyq saılaý komıssııasy basshylaryna arnalǵan respýblıkalyq semınarda.

Buǵan deıin Prezıdent saılaýy barysyn shet memleketterden 532 baıqaýshynyń qadaǵalaǵany aıtyldy.

Aıta keteıik, Astanada Ortalyq saılaý komıssııasynyń uıymdastyrýymen aýmaqtyq saılaý komıssııasynyń basshylaryna arnalǵan respýblıkalyq semınar ótip jatyr. Barlyq óńirden 300-ge jýyq adam qatysyp jatqan shara úsh kúnge sozylady.