OSK-niń kandıdattardyń memlekettik tildi erkin meńgergendigin anyqtaýǵa arnalǵan shyǵarma taqyrybyn irikteýge esh qatysy joq
10:56, 10 Naýryz 2015
ASTANA. QazAqparat - Ortalyq saılaý komıssııasynyń QR Prezıdenttigine kandıdattardyń memlekettik tildi erkin meńgergendigin anyqtaýǵa arnalǵan shyǵarma taqyrybyn irikteýge esh qatysy joq.
Bul týraly búgin QR Ortalyq saılaý komıssııasynyń múshesi Tatıana Ohlopkova málim etti.
«Ortalyq saılaý komıssııasynyń shyǵarma taqyrybyn irikteýge esh qatysy joq jáne tolyqtaı alǵanda úmitkerlerden emtıhan alý ádisi tikeleı lıngvıstıkalyq komıssııanyń quziretindegi másele», - dedi ol BAQ ókilderiniń saýalyna oraı.
Sonymen qatar lıngvıstıkalyq komıssııa quramyna elimizge esimi belgili lıngvıst ǵalymdar kirgendigin jáne olar emtıhan alý úlgisi men shyǵarma taqyryptaryn ózderi tańdaıtyndyǵyn basa aıtty.
«Men bul emtıhandy jeńil dep oılamaımyn. Óıtkeni, úmitkerlerdiń 5-eýi memlekettik til synaǵynan súringen bolatyn», - dedi T.Ohlopkova.