OSK qandaı jaǵdaıda partııalyq tizimdi tirkeý sheshiminiń kúshin joıa alady
«Konstıtýtsııa zańynda partııalyq tizimdi tirkeý týraly sheshimniń kúshin joıýdyń nemese adamdy partııalyq tizimnen shyǵarý týraly sheshim qabyldaýdyń negizderi kózdelgen. Máselen, Ortalyq saılaý komıssııasy mynadaı jaǵdaılarda partııalyq tizimdi tirkeý týraly sheshimniń kúshin joıady: partııalyq tizimdi usynǵan saıası partııa, ózi usynǵan kandıdattar, onyń senim bildirgen adamdary saılaý aldyndaǵy úgitti tirkeý merzimi aıaqtalǵanǵa deıin júrgizse, sondaı-aq búkil partııalyq tizimniń 50 paıyzynan astamyn quraıtyn adamdar partııalyq tizimnen shyqqan jaǵdaılarda partııalyq tizimdi tirkeý týraly sheshim kúshin joıady. Odan bólek partııalyq tizimdi usynǵan saıası partııanyń nemese onyń senim bildirilgen adamdarynyń kandıdattyń, partııalyq tizimdi usynǵan basqa da saıası partııanyń nemese partııalyq tizimge engizilgen adamnyń ar-namysy men qadir-qasıetine nuqsan keltiretin, onyń iskerlik bedeline nuqsan keltiretin jalǵan málimetter taratý faktisin sot anyqtaǵan jaǵdaıda da sol», - dedi Konstantın Petrov Ortalyq saılaý komıssııasynyń otyrysynda.
Sonymen qatar partııalyq tizimdi usynǵan saıası partııanyń nemese onyń senim bildirilgen adamdarynyń saılaýshylardy satyp alý faktilerin sot anyqtasa atalǵan sheshim kúshin joıady.
Aıta ketsek, Ortalyq saılaý komıssııasy tirkegen partııalyq tizimge «Aýyl» halyqtyq-demokratııalyq patrıottyq partııasy, «Nur Otan» partııasy, «Adal» partııasy, «Aq jol» men «Qazaqstan halyq partııasy» engen bolatyn. Osy partııalar óz qatarynan 312 úmitkerdi Májilis depýtattyǵyna usynǵan.
Onyń ishinde Aýyl – 19, Nur Otan – 126, Adal – 16, Aq jol – 38, Qazaqstan halyq partııasy 113 adamdy usynyp otyr.