OSK: 33 Senat depýtaty saılanady

ASTANA. QazAqparat - QR Parlamenti Senatyna 33 depýtat saılanady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Ortalyq saılaý komıssııasynyń tóraǵasy Qýandyq Turǵanqulov málim etti.

«Erteńnen bastap kanıdattardy usynýdyń mańyzdy kezeńi bastalady. Ol 31 tamyzǵa deıin jalǵasady. Búgingi tańda bizdiń saılaý komıssııalarymyz  tolyqqandy jumys isteýge qabiletti. Barlyq komıssııalar jasaqtaldy. Menińshe, depýtattyq korpýstaǵy senatorlardyń vakantty oryny - 33», - dedi OSK tóraǵasy.

Aıta keteıik, senator bolýǵa úmitker jasy 30-dan asqan, joǵary bilimi bar, jumys stajy bes jyldan kem bolmaıtyn, sondaı-aq sońǵy 10 jyl boıy elimizdiń aýmaǵynda, al sońǵy 13 jyl boıy ózi daýysqa túsetin óńirde turaqty turatyn Qazaqstan Respýblıkasynyń azamaty bolýy qajet. Bul oraıda birqatar mańyzdy máseleler bar. Birinshiden, Senat depýtattyǵyna kandıdat tıisti oblystaǵy máslıhat depýtattarynyń 10 paıyzynyń qoldaýyna ıe bolýy tıis. Ekinshiden, usynylǵan kandıdattardyń árqaısysy Ortalyq saılaý komıssııasynyń arnaıy shotyna depozıt retinde 300 myń teńgeden kem bolmaıtyn saılaý jarnasyn engizýi kerek.