OSK 30 jyldyq tarıhynda 39 iri saılaý naýqanyn ótkizdi
«Qazaqstan Respýblıkasynyń zańnamasy saılaýdyń kezeńdiligin, halyqtyń túrli áleýmettik toptarynyń bılik organdarynda ókildik etýin, saılaý organdary qyzmetiniń ashyqtyǵy men shynaıylyǵyn qamtamasyz etedi. Kóptegen halyqaralyq uıymdardyń belsendi múshesi bola otyryp, Qazaqstan erkin jáne básekeli saılaý ótkizý boıynsha ózine qabyldaǵan barlyq mindettemeni ustanady. Memleket basshysynyń, Parlament jáne máslıhattar depýtattarynyń, sondaı-aq ákimderdiń saılaýy bizdiń elimizde ulttyq zańnamaǵa jáne adam quqyqtarynyń jalpyǵa birdeı deklaratsııasyna, azamattyq jáne saıası quqyqtar týraly halyqarlyq paktige, EQYU Kopengagen keńesiniń qujatynda qamtylǵan demokratııalyq saılaýdyń jalpyǵa birdeı damyǵan qaǵıdattaryna sáıkes ótedi», - dedi Nurlan Ábdirov «Konstıtýtsııalyq reforma jáne saılaý júıesi» halyqaralyq ǵylymı tájirıbelik konferentsııasy barysynda.
Onyń atap ótýinshe, Ortalyq saılaý komıssııasynyń qurylǵan sátten bergi evolıýtsııasynyń kezeńderi eldiń egemendiginiń, onyń ınstıtýttarynyń qalyptasý tarıhymen, olardyń damýymen tyǵyz ushtasyp otyrdy. Kelesi 10 jyldyqtarda saılaý zańnamasy men saılaý júıesin jetildirý jalpy kezeńdik saıası evolıýtsııa protsesteriniń aıasynda ótti.
«Búgingi tańda respýblıka azamattarynyń saılaý quqyqtarynyń saqtalýyna kepildik beretin tolyqqandy zańnamalyq baza quryldy. Elimizdiń saılaý organdary osy jyldardyń ishinde saılaý demkratııasyn damytýda mańyzy úlken 39 iri eldik saılaý naýqanyn ótkizdi. Atap aıtqanda 3 referendým, respýblıka Prezıdentiniń – 7, Parlament Senaty depýtattarynyń – 11, Parlament Májilisi depýtattarynyń – 8 jáne jergilikti ókildik organdar máslıhattar depýtattarynyń – 8 saılaýy. Bul rette 5 eldik naýqan – el Konstıtýtsııasyna tolyqtyrýlar men ózgertýler engizý jónindegi referendým, Prezıdentti, Parlament Senaty men Májilis depýtattaryn, barlyq deńgeıdegi máslıhattar depýtattaryn saılaý 1 jyldyń ishinde, 2022 jyldyń maýsymynan bastap ótkizildi», - dedi OSK tóraǵasy.