«Ósimdik álemi týraly» zańnamada órtpen kúres qyzmetin retteý kózdelgen - Jibek Joly

NUR-SULTAN. QazAqparat – «Jibek Joly» telernasyndaǵy «Novoe vremıa» aqparatty-saraptamalyq baǵdarlamasynda Orman órtimen kúres qyzmetiniń ardageri ıÝzan Taırbergenov «Ósimdik álemi týraly» zań jobasyndaǵy jańashyldyqtar týraly málimet berdi, dep habarlaıdy QazAqparat tilshisi.

Zań jobasyn ázirleýshilerge keńes berip júrgen sarapshynyń aıtýyna qaraǵanda, qujat jobasynda órt kúzetin retteý, jerdi paıdalanýshynyń qaýipsizdik turǵysyndaǵy mindetteri men quqyqtary, jergilikti atqarýshy organnyń mindetteri men quqyqtary naqtylanǵan.

«Qazaqstannyń ósimdikter álemi týraly jalpy zań jobasyn ázirlep jatyrmyz. Zań jobasynda tek memlekettik orman qory ǵana emes, sonymen qatar ósimdikter álemin órtten qorǵaý máselesi de qarastyrylǵan. Onda ósimdikterdi, ósimdikter álemin órtten qorǵaýǵa baǵyttalǵan arnaıy baptar bar. Jer paıdalanýshylardyń, jerdiń menshik ıeleriniń, sý resýrstaryn paıdalanýshylardyń, jergilikti atqarýshy organdardyń jaýapkershiligi qarastyrylǵan», - dep túsindirdi ardageri ıÝzan Taıyrbergenov.

Sondaı-aq baǵdarlama barysynda ol azamattarǵa órt kezinde ne isteý kerektigine de toqtalady.

«Eger siz tótenshe jaǵdaıdy baıqasańyz, órt qaýipsizdigine qatysy bar qyzmetterdiń bárine habarlaýyńyz kerek. Órt bastala qalǵanda qolda bar quraldyń bárimen óshirýge árekettengen durys. Biz 2004 jyly orman órtin sóndirgen kezde, órt aýmaǵy 50 myń gektardan assa ǵana Tótenshe jaǵdaılar mınıstrliginiń kúshteri jumyldyrylatyn. Al keıingi qabyldanǵan normalar boıynsha qazir órt 25 myń gektardan astam aýmaqqa taralsa, Tótenshe jaǵdaılar mınıstrligi aralasady. Árıne, bul jerde órt oshaǵynyń oblys ortalyǵynan qansha shaqyrymda jatqanyna, kúshterdi jetkizýge ketetin ýaqyttyń mólsherine, órt sóndirý qyzmetiniń jabdyqtalý deńgeıine kóp dúnıe baılanysty», - dedi sala ardageri.