Osy jyl fermerler úshin ońaı bolǵan joq – Mınıstr egin naýqany týraly

<p>Bıyl 24 mln gektar jerden aýyl sharýashylyǵy daqyldary jınalady. Bul týraly QR Aýyl sharýashylyǵy mınıstri Aıdarbek Saparov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Osy jyl fermerler úshin ońaı bolǵan joq. Jekelegen óńirlerdegi aptap ystyqtan keıin negizgi astyq egetin óńirlerge kelgen nóser jańbyr 25 kúnnen astam ýaqytqa sozyldy. Bul rette jaýyn-shashyn normasy jyldyq ortasha kórsetkishten 3 ese artyq boldy. Búgingi tańda Úkimet osy saldardy barynsha azaıtý boıynsha barlyq qajetti sharalardy qabyldady», - dedi A.Saparov Úkimet otyrysynda.

Týyndaǵan máselelerdi jedel sheshý maqsatynda mınıstrlik janynan jedel shtab qurylǵan, oǵan jergilikti atqarýshy, múddeli memlekettik organdardyń, uıymdardyń ókilderi kirgen. Odan bólek, respýblıkalyq jáne óńirlik deńgeıde barlyq múddeli tarap ókilderimen jumys toptary qurylǵan.

«Bıyl jalpy aýyl sharýashylyǵy daqyldary jınalatyn alań – 24 mln gektar. Bul 2022 jylmen salystyrǵanda 652 myń gektarǵa kóp. Onyń ishinde astyq jınalatyn alań – 17,1 mln gektar. Bıylǵy egin jınaý naýqanyna shamamen 150 myń traktor, 39,0 myń astyq jınaıtyn kombaın, 14 myń oraq jáne 140 myń basqa tehnıka qoldanyldy», - deıdi mınıstr.