Osy jeńilis úshin halyqtan keshirim suraımyz — Álisher Erǵalıdiń jeke bapkeri

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndarynda erkin kúresten Qazaqstan komandasynyń múshesi Álisher Erǵalıdiń jeke bapkeri Pernebek Belasar shákirtiniń jeńilisi týraly pikirimen bólisti.</p>

«Olımpıada oıyndaryna óte úlken daıyndyqpen kelgen edik. Óte ókinishti. Tórt upaı bárin sheship ketti. Bizdiń maqsatymyz qarsylasty sharshatý bolǵan. Alaıda, taǵy da aıtamyn, sol tórt upaı josparymyzdy buzdy. Olımpıada bolǵan soń, barlyq balýan babynda keledi. Osy jeńilis úshin halyqtan keshirim suraımyz. Bizge negizi barlyq jaǵdaı jasalǵan bolatyn. Barlyq jarystarǵa qalmaı qatystyq. Oqý-jattyǵý jıyndary da oıdaǵydaı ótkizdik. Biraq, úmit aqtalmady. Endi Ahmed fınalǵa shyqsa dep tileımiz. Eger, ol fınalǵa shyqsa, jubanysh beldesýinde barymyzdy salyp, qola júldege talasamyz», — dedi Álisherdiń jeke bapkeri Pernebek Belasar.

Esterińizge sala keteıik, 97 keli salmaqta synǵa túsken otandasymyz Álisher Erǵalı shırek fınaldyq beldesýde álem chempıony, Hanchjoýdaǵy Azııa oıyndarynyń jeńimpazy Bahreın balýany Ahmed Tajýdınovtan 14:2 esebimen utylyp qaldy.