Osy demalysta Petropavldyń 272 jyldyǵy toılanady
Petropavl qalasy ákimdiginiń málimetinshe, Qyzyljar Music Fest halyqaralyq festıvali 13 shilde kúni Petropavldyń bas alańynda saǵat 14.00-de bastaldy.
Іs-sharanyń alǵashqy bóliminde jergilikti tanymal bı ujymdary óner kórsetse, saǵat 19.00-de bastalatyn ekinshi bóliminde klassıkalyq mýzyka keshi ótti.
Kontsertte jergilikti, respýblıkalyq ónerpazdarmen qatar Máskeýden kelgen klassıkalyq mýzyka jáne sımfonııalyq rok oryndaýshysy Denıs Shapovalov, opera ánshileri Argentınadan kelgen Ivanna Speranza men ıtalıandyq David Piaggio óner kórsetpek.
Negizgi merekelik baǵdarlama 14 shildege josparlanǵan. Petropavldaǵy ortalyq alańda saǵat 10.30-da «Moı lıýbımyı gorod» ınteraktıvti alańy uıymdastyrylady.
Balalarǵa arnalǵan «Gorod detstva» is-sharasy ótedi. «Petropavldyń kishkentaı hanshaıymy» baıqaýynyń qorytyndysy shyǵarylady.
Jalpy bıyl oblys ortalyǵynyń barlyq shaǵyn aýdandarynda qala kúnin merekeleýge arnalǵan is-sharalar ótedi.
Meşan ormanyndaǵy jańadan ashylǵan saıabaqta «Arman qala» kontserttik baǵdarlamasy uıymdastyrylady.
Al «Birlik» yqshamaýdanynyń turǵyndaryna «Shýaqty qala», «Bereke» yqsham aýdanynda «Jasa, jaına arý qalam» kontserttik baǵdarlamalary usynylmaq.
Pestryı kóli mańyndaǵy «Soltústik juldyzy» saıabaǵynda da merekelik kontsert, tústen keıin áýesqoı komandalar arasynda qalalyq jaǵajaı voleıbol týrnıri jáne jaǵajaı fýtbol jarysy ótedi.
Keshki saǵat 22.00-ge deıin boıaý shoýy uıymdastyrylyp, shahar turǵyndaryna Domino toby óner kórsetpek.
Petropavldyń bas alańynda qala kúnine arnalǵan merekelik kontsert saǵat 18.00-de bastalady.
Keshki saǵat 19.00 -20.30 aralyǵynda ótetin «Súıikti qalam» atty gala-kontsertte Gúlmıra Іzbashanova men Artýr Davletıarov óner kórsetpek.
Buǵan deıin Petropavldaǵy «Qarasaı» stadıony ÝEFA talaptaryna saı jańǵyrtylyp jatqanyn jazǵan edik.