Osy demalysta boran basylyp, aıaz 28 gradýsqa deıin kúsheıedi

<p>ASTANA. KAZINFORM — Qazgıdromet sınoptıkteri 10-12 aqpanǵa arnalǵan úsh kúndik aýa raıy boljamyn jarııalady. </p>

Skandınavııa tsıklony birte-birte elimizden yǵysady, degenmen Qazaqstannyń basym bóliginde jaýyn-shashyndy aýa raıy saqtalady.

Burqasyn kóterilip, ekpindi jel soǵady, kóktaıǵaq bolady.

Sodan keıin atmosferalyq qysymnyń joǵarylaýymen jaýyn-shashyn qysqa merzimge toqtaıdy.

Temperatýra elimizdiń soltústik jartysynda túnde 20-28 aıazǵa deıin, kúndiz 15-20 aıazǵa deıin aıtarlyqtaı tómendeıdi.

Al ońtústik aımaqtarǵa Iran aımaǵynan ońtústik tsıklon keledi. Saldarynan jaýyn-shashyn, negizinen jańbyr jaýady. 

Jel kúsheıip, tuman túsedi, kóktaıǵaq bolady.