Osh qalasynda mektepterdegi «sońǵy qońyraý» tártip saqshylarynyń kúsheıtilgen kúzetimen ótedi

BІShKEK. 25 mamyr. QazAqparat - Qyrǵyzstandaǵy Osh qalasynyń ІІB-nyń basshysy Súıin Ómirzaqov qala mektepterindegi «sońǵy qońyraý» merekesine arnalǵan saltanatty sharalar ornynda qoǵamdyq tártipti, jol qozǵalysy erejelerin   qamtamasyz etý

boıynsha sharalar josparyn bekitti.

Qyrǵyzstannyń ońtústik astanasyndaǵy ІІB-nyń baspasóz qyzmetinen habarlaǵandaı, bul qaýipsizdikti qamtamasyz etý úshin qajet. «Buǵan qor kúshterin sanamaǵanda, qala polıtsııasynyń tolyq jeke quramy qatystyrylady. Qazirgi kezde saltanatty jıyndarǵa qyzmet etý jáne jeke tasýshylyqpen aınalysatyn júrgizýshilermen jol-kólik erejelerin buzýǵa bolmaıtyny týraly túsindirý jumystary júrgizilýde».

Oqýshylar kóptep jınalatyn jerlerde, ásirese Aq Býra ózeniniń jaǵasynda saǵat 10:00-den túnge deıin patrýldeý uıymdastyrylady. Budan basqa, eki mobıldik ekıpaj táýlik boıy qyzmet atqarady.

Osh qalasyndaǵy ІІB baspasóz qyzmetiniń aqparatynsha, ІІB-nyń qyzmetkerleri mektep aýmaqtarynda tańǵy 8:00-den keshki 23:00-ge deıin quqyqtyq tártipti qamtamasyz etedi. Polıtsııa qyzmetkerleri mektep aýmaǵynda tártip erejeleri men quqyq tártibin saqtaý boıynsha keńester beredi. Qalanyń árbir shaǵynaýdanynda ІІB-nyń basqarýshylyq quramynyń qyzmetkerleri jumys júrgizedi.