Orynborda «Biz mıllıondaǵan panfılovshylarmyz» halyqaralyq eske alý sharasy bastaldy (FOTO)
Aıtýly is-sharaǵa Uly Otan soǵysynyń ardagerleri Orynbor, Máskeý, Chelıabi, Qazaqstan men Qyrǵyzstannyń qoǵamdyq uıymdarynyń belsendileri qatysyp jatyr.
316-shy atqyshtar dıvızııasy Almaty qalasynda 1941 jyldyń shilde-tamyzynda qurylǵan bolatyn. Dıvızııa jeke qurylymy Almaty qalasynyń, Almaty oblysynyń, Qazaqstannyń basqa da aımaqtarynyń jáne qyrǵyz eliniń áskerı mindetti turǵyndarynan jasaqtalǵan bolatyn.
Uly Jeńistiń 70 jyldyǵy jáne taıaýda bolatyn Máskeý túbindegi shaıqastyń 75 jyldyǵy qarsańynda «Eýrazııa halyqtarynyń odaǵy» qoǵamdyq uıymy halyqaralyq Eske alý sharasyn ótkizý týraly bastama aıtty, bul bastamany Qazaqstan men Qyrǵyzstannyń qoǵamdyq uıymdary da biraýyzdan qoldady.
«Eske alý sharasy Orynbordaǵy «Salıýt, Pobeda!» saıabaǵynda bastaý alýynyń erekshe mán bar, - dedi sharaǵa qatysýshylardyń aldynda sóz sóılegen Orynbor oblysy úkimeti tóraǵasynyń orynbasary - vıtse-gýbernator Dmıtrıı Kýlagın. - Bul jerde Uly otan soǵysynyń ardagerleri men jastar jınalyp otyr. Men osy shara bizdiń jadymyzda qalatynyna senimdimin. Bizdiń ákelerimiz ben atalarymyzdyń erligin bolashaq urpaq umytpaıdy. Dıvızııa quramynda 1941 jylǵy qazan aıynan 1945 jylǵy mamyr aıyna deıin bolǵan Orynbor ólkesiniń 91 azamaty qaza taýyp nemese habarsyz ketken. Elýge tarta jerlesimiz ordender men medaldarmen marapattalǵan».
«Bul shara bizdiń atalarymyz men ákelerimiziń erligin ulyqtaý sharasy bolǵandyqtan qatysýdy jón sanadyq», - dedi Qazaqstannan kelgen delegatsııa ókili, QHA-nyń Aqtóbe oblysyndaǵy fılıalynyń meńgerýshisi Joldas Nurshın.
Sharaǵa qatysýshylar soǵysta erlikpen qaza tapqandardy bir mınýt únsizdikpen eske alyp, Slava monýmentine gúl shoqtaryn qoıdy.
Panfılovshylardyń erligine arnalǵan halyqaralyq aktsııa Reseıdiń Chelıabi, Ekaterınbýrg, Novosibir, Ýfada, sondaı-aq Qazaqstan men Qyrǵyzstanda ótedi. Sodan keıin Máskeýdegi Panfılovshylar eskertkishinde máresine jetedi.
Eske sala keteıik, 316-shy atqyshtar dıvızııasy Almaty qalasynda 1941 jyldyń shilde-tamyzynda qurylǵan bolatyn. Dıvızııa jeke qurylymy Almaty qalasynyń, Almaty oblysynyń, Qazaqstannyń basqa da aımaqtarynyń jáne qyrǵyz eliniń áskerı mindetti turǵyndarynan jasaqtaldy. 1941 jyldyń qazan-qarashasynda Máskeýdi qorǵaýda kórsetken teńdessiz erligi pen batyldyǵy úshin dıvızııaǵa 8-gvardııalyq atqyshtar dıvızııasy aty berildi, al keıinirekte dıvızııaǵa 1941 jyldyń 18 qarashasynda Máskeý oblysynyń Volokolamsk qalasynyń mańynda qaza tapqan, dıvızııanyń tuńǵysh komandıri Ivan Vasılevıch Panfılovtyń aty berildi. Panfılovshy jaýyngerler Pskov oblysyn, Latvııany, Lıtvany nemis-fashıst basqynshylarynan qorǵaýǵa qatysty. Panfılov dıvızııasy Lenın ordenimen, Qyzyl tý ordenimen, ekinshi dárejeli Sývorov ordenimen, marapattaldy.
Almatyda 28 jaýynger-panfılovshylar atyndaǵy saıabaq bar. Sondaı-aq Memleket basshysy Nursultan Nazarbaevtyń qatysýymen Astanadaǵy Qoshqarbaev pen Jumabaev kósheleriniń qıylysynda ornalasqan "Jeruıyq" saıabaǵynda general I.V. Panfılovtyń eskertkishi ashyldy.