Órtten zardap shekken Qostanaı oblysynyń turǵyndaryna rezervten qarajat bólinedi – mınıstr

NUR-SULTAN. QazAqparat – Ulttyq ekonomıka mınıstri Álibek Qýantyrov órt saldarynan zardap shekken Qostanaı oblysynyń turǵyndaryna qarajat bólý máselesine túsinik berdi, dep habarlaıdy QazAqparat tilshisi.

«Órtten zardap shekkenderge kómek kórsetýdiń túrli baǵyttary bar, onyń ishinde qaıyrymdylyq qorlary da qoldaý jasaıdy. Sonymen qatar, zardap shekkenderge qarajat bólýge toqtalsaq, osy másele boıynsha tıisti sheshim qabyldanady. Munymen qosa, tıisti esepteýlerden keıin, rezervten qarajat josparlanǵan», - dedi Á. Qýantyrov Úkimet otyrysynan keıin tilshiler saýalyna jaýap bere otyryp.

Budan buryn habarlanǵandaı, Memleket basshysy Qasym-Jomart Toqaev Qostanaı oblysynda orman órtinen zardap shekkendermen kezdesken edi.

Osy oraıda Qostanaı oblysynda úıi órtengen turǵyndarǵa jıhazy men múlki ótep beriletini aıtyldy.