Órtten Reseıdiń Túmen oblysynda tótenshe jaǵdaı jarııalandy

TÚMEN. TASS - QazAqparat – Túmen oblysynyń gýbernatory Aleksandr Moor orman órtine baılanysty 7 mamyrdan bastap oblystyń barlyq aýmaǵynda tótenshe jaǵdaı jarııalady. Bul týraly QazAqparat TASS-qa silteme jasap habarlaıdy.

A.Moor oblys turǵyndaryn órt qaýipsizdigi sharalaryn qatań saqtaýǵa: ormanǵa shyǵýdan jáne pıknık uıymdastyrýdan bas tartýǵa, saıajaılarda ot jaqpaýǵa shaqyrdy.

Tilsiz jaý saldarynan Rechkına kenti men Bogandınskıı kentinde, sondaı-aq Túmen oblysynyń úsh baý-baqsha birlestiginde 120-dan astam ǵımarat búlindi. Bul týraly tótenshe jaǵdaılar qyzmetinen habarlady.

Jalynmen kúreske Reseı Tótenshe jaǵdaılar mınıstrliginiń Il-76 ushaǵy men úsh tikushaq jumyldyryldy. Avıatsııa arqyly barlyǵy 192 ret, 1219 tonnaǵa jýyq sý tógildi.

Jeksenbide Túmen oblysynda toǵyz landshaftyq jáne úsh orman órti sóndirildi. Jalynmen kúres júrgizýdi qatty ekpindi jel men ystyq ári qurǵaq aýa raıy qıyndatyp jatyr. Jeti eldi meken turǵyndary qaýipsiz jerge evakýatsııalanatyny jarııalandy.