Órtpen arpalysqan qutqarýshylardyń edende demalyp jatqan fotosy tarady - Arys
«Órt sóndirýshilerdiń aldynda basymdy ıemin. Olar ómirlerin táýekelge baılaı otyryp, kúni boıy Arysta órt sóndirdi, qırandylardy arshyp, turǵyndardy evakýatsııalady. Túnde olarǵa qaýipsiz jerge qonatyn jer uıymdastyryldy. Al olar shtabta, sport zal edenindi uıyqtap qaldy. Tańerteń áskerı bólimshe aýmaǵynan basqa qalanyń barlyq jerindegi órt sóndirildi. Naǵyz batyrlar», - dep jazdy ol.
Buǵan deıin Arystaǵy tótenshe jaǵdaı saldarynan tutanǵan 19 turǵyn úı, 9 qora-qopsy men 14 dalaly aýmaqtaǵy órt sóndirilgeni habarlandy. Al áskerı bólimsheniń oq-dári qoımasynda snarıadtardyń áli de ushyp, jarylýyna baılanysty ondaǵy órtti sóndirý jumystary ýaqytsha toqtatyldy.
Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Apat saldarynan eki adam mert boldy.
Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.
Búgingi Úkimet otyrysynda Premer-Mınıstr Asqar Mamın jarylys saldarynan kóz jumǵandardyń týǵan-týystaryna kóńil aıtyp, turǵyndarǵa barlyq kómek kórsetiletindigine ýáde berdi.
Jalpy keshegi alasapyran kezde myńdaǵan ata-ana balarynan kóz jazyp qalǵan bolatyn. Qazirgi ýaqytta olardyń barlyǵy da balalarymen qaýyshty, barlyǵy din-aman.