Ortasha jyldamdyq: Kamera túbinde mejeli ýaqytty kútkender de aıyppul tóleıdi

<p>ASTANA. KAZINFORM &ndash; Elimizde &laquo;Ortasha jyldamdyq&raquo; uǵymyn engizý 2018 jyly bastaldy jáne depýtattar usynysymen iske asyryldy. Bul týraly QR Іshki ister mınıstrligi Ákimshilik polıtsııa komıtetiniń resmı ókili Aqtoty Boranova aıtyp berdi.</p>

– Basqa memleketterdiń tájirıbeleri mindetti túrde zertteldi. Eýropa elderinde «ortasha jyldamdyq» uǵymy baıaǵydan bar, tek atalýy basqasha. Biraq qala syrtyndaǵy joldarda ortasha jyldamdyqty anyqtaý buǵan deıin de boldy. Máselen, Belgııa ortasha jyldamdyq engizý nátıjesinde adam shyǵynyn 23 paıyzǵa tómendetken. Bul nátıjeden keıin qala ishindegi beınekameralarǵa da ortasha jyldamdyq engizýdi oılastyryp jatyr, – dep túsindirdi A.Boranova.

Onyń aıtýynsha, elimizde Mergen, Sergek sekildi jıyrmadan astam kompanııa jáne 25 myńnan astam avtomatty tirkeý júıeleri bar.

– Avtomatty tirkeý kameralary patrýlderge de ornatylǵan. Qazirgi ýaqytta 300-ge jýyq avtokólik osyndaı tirkeý kameralarymen jabdyqtalǵan. Oǵan qosymsha, qaýipsizdikti qamtamasyz etý úshin tsıfrlyq sheshimder de nátıjesin berip jatyr. Ortasha jyldamdyq degenimiz – júrip ótken joldy júrip ótken ýaqytqa bólý. Mysaly, Astana-Pavlodar joly 385 shaqyrym. Sol 385 shaqyrymdy belgilengen 140 shaqyrymmen júrip otyrsa, 2 saǵat 45 mınýtta dittegen jerine jetedi. Bul aralyqta avtomatty túrde tirkeıtin 7 kamera bar. Bul kameralardyń ara qashyqtyǵy ár túrli, 25 km, 50 km nemese 75 km bolýy múmkin. Munda eki kamera aralyǵyndaǵy qashyqtyq pen ýaqyt esepteledi, - deıdi maman.

Buǵan deıin qalaaralyq joldarda jyldamdyqty 140 shaqyrymnan asyrmaý talaby boldy. Biraq júrgizýshiler bul erejeni kameraǵa jaqyndaǵanda ǵana ustanyp, kameradan ótkesin jyldamdyqty arttyratyn.

– Áleýmettik jelide jańa laıfhak dep, sońǵy kameraǵa jetpeı, kútip otyrý týraly jazylyp tur. Bul adamdarǵa da jyldamdyqty asyrǵany úshin aıyppul uıǵarymdary keledi. ıAǵnı, bul ádis jumys istemeıdi. Jol maqsaty jetý bolsa, esh ýaqyt únemdelmese, budan kimge qandaı paıda keledi? Sosyn jyldamdyqty arttyryp, ár kameranyń túbinde ýaqytty kútip otyratyndar bar. Muny quptaımyz, sebebi adamdar az da bolsa demalyp, sergektigin arttyrady, jol apaty qaýpin azaıtady, - deıdi A.Boranova.

Buǵan deıin A.Boranova kólik júrgizýshilerine jaýapkershilik kúsheıgenin jáne osy salada qandaı zańdar ózgergenin aıtyp bergen edi.

Sondaı-aq, aýa raıy qolaısyzdyǵy týraly eskertýge qaramastan jolǵa shyǵyp, boranda qalyp qoıǵandarǵa qandaı shara qoldanylatyny aıtyldy.