Ortalyq saılaý komıssııasynyń janynan jas saılaýshylar klýby quryldy
Búgin komıssııa arnaıy qaýly shyǵardy.
«Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Konstıtýtsııalyq zańnyń 12-baby 1) tarmaqshasyna sáıkes komıssııa janynan Jas saılaýshylar klýby qurylsyn. Osy qaýly qol qoıylǵan merzimnen bastap qoldanysqa enedi« delingen habarlamada.
Klýbty qurýdaǵy maqsat - jastardyń nazaryn saılaý protsesiniń ózekti máselelerine aýdarý, olardyń saılaý belsendiligi men quqyqtyq mádenıetin arttyrý.
Uıym jastar arasynda saılaý quqyqtaryn túsindirý boıynsha qazirgi zamanǵy tásilderdi ázirlep, olardyń saılaý protsesine qatysýynyń ózekti máselelerin qaraıdy, jas býynnyń saılaý protsesine qyzyǵýshylyǵyn arttyrýmen aınalysady.
Klýb jumysyna jas sarapshylar men ǵalymdar, óńirlik jastar resýrstyq ortalyqtarynyń, kommertsııalyq emes qoǵamdyq birlestikterdiń, sondaı-aq memlekettik organdardyń ókilderi qatysa alady.