Ortalyq saılaý komıssııasynyń tóraǵasy aqmola jurtshylyǵymen kezdesti
Kókshetaý qalasynda ótken kezdesýge saıası partııalardyń, ÚEU, BAQ ókilderi, qoǵamdyq pikir kóshbasshylary, blogerler, óńirdiń aýdandyq jáne qalalyq saılaý komıtetteriniń músheleri qatysty. Onda jergilikti qoǵamdastyq ókilderiniń eldiń saılaý júıesi men saılaý zańnamasyn jetildirý jónindegi máseleleri men usynystary talqylandy.
Kezdesýge qatysýshylar barlyq deńgeıdegi ákimderdiń tikeleı saılaýyn ótkizýdi, saılaýshylardyń saılaýǵa qatysqany úshin jaýapkershiligin, partııalyq tizimdegi áıelder úshin kvotany ulǵaıtýdy, baıqaýshylardy turaqty oqytýdy, saılaý protsesiniń ashyqtyǵy men aıqyndyǵyn, azamattardyń, onyń ishinde múgedektigi bar azamattardyń saılaý quqyqtarynyń saqtalýyna kepildikti qamtamasyz etýdi qoldady.
Budan basqa, Májilis pen máslıhattar saılaýynda majorıtarlyq jáne aralas saılaý júıesin engizý, elektrondyq daýys berýdi engizý, ákimdikke kandıdattarǵa qatysty talaptar týraly, joǵary bilimniń jáne memlekettik qyzmette jumys tájirıbesiniń bolýy bóliginde, sondaı-aq saılaý protsesiniń basqa da birqatar ózekti máseleleri boıynsha pikirtalas ótti.
Kezdesýge jınalǵandar óńir jurtshylyǵynyń ókilderi kezdesý úshin Ortalyq saılaý komıssııasynyń basshylyǵyna rızashylyǵyn bildirip, el Prezıdentiniń «Jańa Qazaqstandy» qurý jónindegi bastamalaryn qoldaıtynyn atap ótti.
Osy rette Nurlan Ábdirov kezdesýge qatysýshylarǵa alǵysyn bildirip, baıqaýshylardyń ǵana emes, saılaý protsesine basqa da qatysýshylardyń elektoraldyq mádenıetin arttyrý qajettigin, sondaı-aq Ortalyq saılaý komıssııasynyń ózara is-qımyl úshin ashyq ekenin jáne kezdesýde aıtylǵan elektoraldyq protsesti jetildirý jónindegi barlyq usynystardy qaraýǵa daıyn ekenin aıtty.
Nurlan Ábdirovtyń aıtýynsha, Aqmola oblysy ortalyq saılaý komıssııasynyń jumys toby baryp otyrǵan besinshi óńir. Buǵan deıin olar Qyzylorda, Atyraý, Túrkistan, Aqtóbe oblystarynda bolyp, jurtshylyqtyń pikirleri men usynystaryna qulaq túrgen.
«Memleket Basshysy Qasym-Jomart Toqaev Jańa Qazaqstandy qurý mindetin qoıdy. Ondaǵy jańarý barlyq salalarǵa qatysty. Elimiz reformalar qarsańynda tur, sonyń ishinde saıası reformalar bar. Ózgerister saılaý júıesine de áser etedi. Sondyqtan biz búgin osy saladaǵy máselelerdi birge talqylaý úshin keldik. Bizdiń basty maqsatymyz – saılaý úderisin jaqsartý boıynsha sizderdiń pikirlerińiz ben usynystaryńyzdy tyńdaý», - dedi Nurlan Ábdirov.
Kezdesýde aqmolalyqtar ÚEU jáne basqa da azamattyq sektorlarǵa óz kandıdattaryn usynýǵa múmkindik berý týraly saýaldaryn qoıdy.
Sonymen birge, Aqmola oblysyna jumys sapary barysynda Ortalyq saılaý komıssııasynyń jumys toby Aqkól aýdanynda bolyp, jergilikti halyqpen birqatar kezdesýler ótkizdi.