Ortalyq saılaý komıssııasy qazaqstandyqtarǵa úndeý joldady
«Saılaýǵa qatysýǵa konstıtýtsııalyq quqyqty iske asyrýdyń kepili sizdiń saılaýshylar tizimine engizilýińiz bolyp tabylady. Jergilikti atqarýshy organdar (ákimdikter) tizimderdi daýys berýge arnalǵan naqty ýchaskeniń aýmaǵyndaǵy turǵylyqty jeri boıynsha turaqty tirkeý negizinde jasaıdy. Turaqty tirkeýi joq azamattar tizimderge olardyń ornalasqan jeri boıynsha ákimdikterge bergen ótinishiniń negizinde engiziledi. Daýys berý kúni óziniń tirkelgen jeri boıynsha saılaý ýchaskesine kelýge múmkindigi joq árbir azamat daýys berý kúnine deıin bir aıdan keshiktirmeı nemese 2022 jylǵy 20 qazanda tıisti ákimdikke ótinish berýge jáne óziniń naqty ornalasqan jeri boıynsha saılaý ýchaskesinde tirkelýge quqyly. Ótinish túsken kezde ákimdik azamatty tirkelgen jeri boıynsha saılaýshylar tiziminen shyǵarýdy jáne ony daýys beretin ýchaskeniń tizimine engizýdi uıymdastyrady», - delingen Nurlan Ábdirov jarııa etken úndeý mátininde.
Sonymen qatar qujatta osy quqyqty:
- vahtalyq ádispen jumys isteıtin azamattar;
- basqa qaladan kelgen, arnaýly orta jáne joǵary oqý oryndarynda oqıtyn, jataqhanadan tys turatyn stýdentter;
- daýys berý kúni olar tirkelgen jerinde bolmaıtynyn biletin azamattar paıdalana alatyndyǵy kórsetilgen.
Azamat saılaýshylardyń bir ǵana tizimine engizilýi múmkin. Tirkelý orny boıynsha saılaýshylar tizimine qosylýyn saıt nemese tıisti ákimdiktiń call-ortalyǵy arqyly tekserýge bolady. 2022 jyldyń 4 qarashasynan bastap sizge saılaý ýchaskesindegi saılaýshylar tiziminen ózińiz týraly málimetterdi tekserýge múmkindik beriledi.
«Qurmetti saılaýshylar! Quqyqtyq saýattylyq kórsetýge jáne saılaýǵa qatysý quqyǵyńyzdy iske asyrýǵa shaqyramyz! Ózińizdi saılaýshylar tizimine engizý boıynsha qajetti zańdyq mańyzy bar áreketterdi ýaqtyly qabyldańyz!», - dep atap ótedi OSK tóraǵasy.