Ortalyq saılaý komıssııasy birqatar óńirlik saılaý komıssııalarynyń múshelerin taǵaıyndady
11:45, 01 Naýryz 2016
ASTANA. QazAqaparat - Ortalyq saılaý komıssııasy birqatar óńirlik saılaý komıssııalarynyń múshelerin taǵaıyndady. Bul týraly búgin QR OSK hatshysy Baqyt Meldeshov málim etti.
«Ortsaılaýkom Saılaý týraly zańnyń 19-baby 8-tarmaǵyna sáıkes saılaý zańnamasynda belgilengen tártipte saılanǵanǵa deıin shyǵyp qalǵandardyń ornyna Mańǵystaý oblystyq saılaý komıssııasynyń múshesi etip G.K. Súıeýovany jáne Astana qalalyq saılaý komıssııasynyń múshesi etip Sh.J. Myrzabekovany taǵaıyndady», - dep atap ótti ol.
Aıta keteıik, QR Parlamenti Májilisi depýtattaryn saılaýǵa qatysyp jatqan qazaqstandyq saıası partııalar 20 aqpan kúni saılaýaldy nasıhat jumystaryn bastap ketti. Saılaý dodasyna «Nur Otan», «Aýyl», JSDP, QHKP, «Birlik» jáne «Aqjol» partııalary túsýde.