Ortalyq referendým komıssııasy oqytý semınaryn ótkizdi

NUR-SULTAN. QazAqparat - 2022 jylǵy 12 mamyrda Ortalyq referendým komıssııasy Aqparat jáne qoǵamdyq damý mınıstrligimen birlesip, onlaın rejıminde qoǵamdyq birlestikter ókilderine arnalǵan oqytý semınaryn ótkizdi, dep habarlaıdy QazAqparat.

Іs-sharaǵa 350 adam qatysty. Onyń barysynda 2022 jylǵy 5 maýsymǵa taǵaıyndalǵan respýblıkalyq referendým týraly, «Qazaqstan Respýblıkasynyń Konstıtýtsııasyna ózgerister men tolyqtyrýlar engizý týraly» QR Zańynyń jobasy, respýblıkalyq referendýmdy daıyndaý men ótkizý, qarjylandyrý, úgit, elektorattyq oqytýdy uıymdastyrý, daýys berýdi baıqaý protsesiniń erekshelikteri, sondaı-aq referendým týraly zańnamany buzǵany úshin jaýapkershilik máseleleri boıynsha túsiniktemeler berildi.

Semınardyń spıkerleri retinde Ortalyq referendým komıssııasy tarapynan QR ORK Tóraǵasynyń orynbasary Konstantın Petrov, ORK músheleri Sabıla Mustafına, Anastasııa Şegortsova jáne Asylbek Smaǵulov sóz sóıledi.

Sondaı-aq, semınarda Ádilet vıtse-mınıstri Aıgúl Muqanova, Aqparat jáne qoǵamdyq damý vıtse-mınıstri Danııar Kádirov, Bas prokýrordyń aǵa kómekshisi Azamat Sarǵazın, QR AQDM Aqparat komıteti tóraǵasynyń orynbasary Qanybek Jumashev sóz sóıledi.

Semınar aıasynda óńirlermen beınekonferentsııa baılanysy jáne «Aazamattyq bastamalar ortalyǵy» YouTube arnasynda kelesi silteme boıynsha onlaın kórsetilim uıymdastyryldy

Semınar sońynda Ortalyq referendým komıssııasynyń jáne ýákiletti memlekettik organdardyń ókilderi semınarǵa qatysýshylardyń suraqtaryna tolyqqandy jaýap berdi.

Ortalyq referendým komıssııasynyń elektorattyq oqytý aıasyndaǵy buqaralyq aqparat quraldarynyń basshylaryna arnalǵan kelesi semınary 2022 jylǵy 13 mamyrda ótetin bolady.