Ortalyq memlekettik apparat elektrondy poshtany belsendi qoldanýlary kerek - QR Prezıdentiniń Ákimshiligi
Bul týraly búgin Astanada QR Ulttyq muraǵaty ǵımaratynda elektrondy qujat aınalym taqyrybynda ótken respýblıkalyq semınarda QR Prezıdenti Ákimshiliginiń Jalpy bólim meńgerýshisi Mirbolat Jaqypov málim etti.
«Elektrondy poshtany qoldaný qajet. Sonyń ishinde tek zańdy, ishki ári qorǵalǵan poshtalardy. Kólik jáne kommýnıkatsııa mınıstrligi mundaı poshtany jasap shyǵardy. Munda mail.ru, yahoo jáne taǵy basqa buqaralyq poshtalar týraly áńgime bolyp otyrǵan joq. Olarmen barlyq baılanysty qurtý qajet jáne bizdiń ózimizdiń júıeni engizý kerek. Óıtkeni biz elektrondy poshtalardy jıi baqylaımyz, onda kóptegen buzýshylyqtar anyqtalyp jatyr. Sonymen qatar sizder bilesizder, ol poshtalardy op-ońaı buzyp, ondaǵy aqparattyń barlyǵyn shyǵaryp alýǵa bolady», - deıdi ol.
Onyń aıtýynsha, QR Prezıdentiniń tapsyrmasymen júrgizilgen taldaý qaǵaz túrindegi vedomstoaralyq qujattardyń artqandyǵyn kórsetken. Soǵan baılanysty M. Jaqypov barlyq ortalyq memlekettik apparatqa jyl sońyna deıin tolyǵymen elektrondy qujat aınalymǵa kóshirý tapsyrmasy berilgendigin qadap aıtty.