Ortalyq Azııanyń ІT-qyzmetkerleri, hakerler Almatyda bas qosty

ASTANA. QazAqparat - Almaty qalasynda Ortalyq Azııada alǵash ret aqparat qaýipsizdigi salasyndaǵy mamandarǵa arnalǵan halyqaralyq-tájirıbelik konferentsııa ótti, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Shara uıymdastyrýshylary - QR Qorǵanys mınıstrliginiń «Qazaqstan GIS ortalyǵy» AQ jáne «Kıbershabýyldy taldaý jáne zertteý ortalyǵy» zańdy tulǵalar birlestigi.

Konferentsııaǵa kıberqaýipsizdiktiń ózekti máselelerin talqylaý úshin Qazaqstan óńirleri men shetelden 2 myńnan astam adam qatysty.

Bir alańda hakerler, aqparattyq qaýipsizdik salasynyń sarapshylary, IT-ázirleýshiler, memlekettik organdar, BAQ ókilderi, bıznesmender men venderler jınaldy.

Konferentsııa barysynda aqparat qaýipsizdigi men aqparattyq-kommýnıkatsııalyq tehnologııalarǵa qatysty ózekti máseleler talqylandy. «Kaz'Hack,'Stan» baǵdarlamasynda salanyń osal tustarymen tanystyrǵan qazaqstandyq jáne sheteldik sarapshylardyń baıandamalary, jetekshi mamandardyń sheberlik sabaqtary qamtylǵan.

Sondaı-aq memlekettik saıasat máselelerine qatysty «dóńgelek ústel» ótti. Onyń sheńberinde quqyqtyq aspektiler men aqparattyq qaýipsizdik jáne aqparattyq-kommýnıkatsııalyq tehnologııalar salasyndaǵy jalpy suraqtar, konferentsııaǵa qatysýshylardyń tájirıbelik mashyqtaryn arttyrý maqsatynda kıberpolıgondardy paıdalaný máseleleri talqylandy.