Ortalyq Azııanyń energetıka saıasatynda eleýli ózgerister bolýy múmkin - sarapshy

ASTANA. QazAqparat – Ortalyq Azııanyń energetıka saıasatynda eleýli ózgerister bolýy múmkin. Bul týraly elordadaǵy energetıkalyq qaýipsizdik taqyrybyndaǵy konferentsııada brıtandyq NNWI ortalyǵynyń prezıdenti Tım Ieo aıtty, dep habarlaıdy QazAqparat tilshisi.

«Bizdiń uıymnyń mıssııasy atom energııasy týraly, sondaı-aq klımattyń ózgerýi turǵysynan keńinen málimet berýge baǵyttalǵan. 2022 jylǵa deıin bizdiń ınstıtýt negizinen Eýropa elderindegi máselelerdi keńinen qamtyǵan edi. Keıinnen Ortalyq Azııa aımaǵyna da erekshe nazar aýdarý kerek ekenin túsindik, - dedi Tım Ieo.

Sarapshynyń paıymynsha, atalǵan salaǵa qatysty Ortalyq Azııada eleýli ózgerister bolýy múmkin.

«Biz klımattyń ózgerýi búkil álemdegi energetıkalyq saıasattyń basty flagmany bolady dep sanaımyz. Bul turǵyda Ortalyq Azııanyń ózindik erekshelikteri bar, ıaǵnı osy óńirde aldaǵy birneshe jylda tıisti ózgerister bolýy múmkin», - dedi T. Ieo.

Budan buryn habarlanǵandaı, jaqynda Energetıka mınıstrliginiń Atom energetıkasy jáne ónerkásip departamenti dırektorynyń orynbasary Gúlmıra Mursalova AES qurylysyna qatysty pikir bildirdi.

https://kaz.inform.kz/news/aes-kurylysyna-kansha-karazhat-ketedi_a4067175