Ortalyq Azııany klımattyq ózgeristerge beıimdeý strategııasy ázirlenip jatyr

ASTANA. QazAqparat – Qazaqstan «Ortalyq Azııa klımatynyń ózgerýine beımidelýdiń óńirlik strategııasyn ázirleýge qatysyp jatyr. Bul týraly Premer-Mınıstrdiń birinshi orynbasary Roman Sklıardyń Májilis depýtattarynyń saýalyna bergen jaýabynda málim etti, habarlaıdy QazAqparat tilshisi.

«Jasyl Ortalyq Azııa» bastamasynyń aıasynda Ortalyq Azııa elderiniń ókilderinen quralǵan jumys toby «Ortalyq Azııa klımatynyń ózgerýine beıimdelýdiń óńirlik strategııasyn» ázirlep jatyr. Óńirlik strategııany ázirleýge Qazaqstan tarabynyń tartylýy ekologııalyq jáne klımattyq syn-qaterler jóninde óńirlik saıası dıalog qalyptastyrýǵa múmkindik ashady», - delingen jaýapta.

Qujat jobasy óńirdegi elderdiń bári maquldap shyǵýy kerek. Sodan keıin ǵana iske asyrý bastalady.

«Sondaı-aq, bul Aral jaǵalaýyn tutastaı, onyń ishinde Qazaqstanǵa tıesili bóligin damytyp, ekojúıesin saqtaýǵa qolaıly jaǵdaıy týǵyzady. Qazirgi tańda óńirlik strategııa jobasyn memlekettik organdar deńgeıinde maquldaý jumystary júrip jatyr. Ortalyq Azııa elderi túgel maquldaǵannan keıin ony iske asyrý joparlanǵan», - dep jazady Úkimet basshysynyń birinshi orynbasary.