Ortalyq Azııadaǵy sý tapshylyǵy qandaı saldarǵa ákelýi múmkin - Erkin Tuqymovtyń pikiri

ASTANA. QazAqparat – Azııadaǵy qaýipsizdik jáne yntymaqtastyq forýmy aıasynda BAQ ókilderiniń saýalyna jaýap bergen QR Prezıdenti janyndaǵy Qazaqstannyń strategııalyq zertteýler ınstıtýty dırektory Erkin Tuqymov sý tapshylyǵy máselesiniń ózektiligine toqtaldy, dep habarlaıdy QazAqparat tilshisi.

«Sý kólemi azaıyp barady. Jaqynda ǵana Prezıdent ákimdiktiń (Astana – avtor túsindirmesi) jumysyn synǵa aldy. Eger elordanyń halyq sany 2 mıllıonǵa jetse, onda biz sý, elektr qýatyn qaıdan alamyz? Munyń barlyǵy abstraktaly suraq emes. Klımattyń ózgerýi de bizdiń kún tártibimizde turǵan mańyzdy másele», - dedi Erkin Tuqymov.

QSZI dırektory sý tapshylyǵyna qatysty máseleniń ózektiligine túsindirý úshin taıaýda eki el arasynda bolǵan oqıǵany mysalǵa keltirdi.

«Jaqynda sý úshin talıban men (Qazaqstanda jáne basqa da kóptegen elderde tyıym salynǵan) Iran arasynda shıelenis boldy. Endi Tájikstanmen Amýdarııa boıynsha dál osyndaı qaqtyǵys bolmaıtynyna kepildik qaıda? Amýdarııa Qazaqstan arqyly ótpeıdi, biraq ol Aral teńizi ǵoı. Bul tikeleı Qyzylorda oblysyna qatysty» - dedi Erkin Tuqymov.

Qosa ketsek, atalǵan forým aıasynda sóz sóılegen BUU Qaýipsizdik keńesiniń Terrorızmge qarsy komıtetiniń atqarýshy dırektory Natalıa German Qazaqstannyń «Jýsan» gýmanıtarlyq arnaıy operatsııasy ózge memleketterge úlgi ekenin atap ótti.

Eske salaıyq, buǵan deıin elordada Azııadaǵy qaýipsizdik jáne yntymaqtastyq forýmy ótip jatqanyn habarlap edik. Oǵan Azııa elderinen kelgen 60-tan astam sarapshy qatysyp jatyr.