Ortalyq Azııada ulttyq quqyq qorǵaý mekemelerin kúsheıtý qajet - Ombýdsmen Shákirov

ASTANA. QazAqparat - Ortalyq Azııa memleketteriniń ulttyq quqyq qorǵaý mekemelerin kúsheıtý qajet. QR Adam quqyqtary jónindegi ýákil Asqar Shákirov Túrkııanyń Ystambul qalasynda ótken Ortalyq Azııa elderiniń ulttyq quqyq qorǵaý mekemeleriniń óńirlik konsýltatsııasynda osy máseleni kóterdi, dep habarlaıdy QazAqparat.

Konferentsııa barysynda ulttyq quqyq qorǵaý tetikterin jetildirý, halyqaralyq gýmanıtarlyq jáne ekonomıkalyq syn-qaterlerge qarsylyq bildirý jaǵdaıynda adam quqyqtaryn qamtamasyz etý máseleleri talqylanǵan bolatyn. Budan bólek, jahandyq jáne óńirlik quqyq qorǵaý yntymaqtastyqty kúsheıtý, ulttyq quqyq qorǵaý mekemeleriniń turaqty damý maqsattary jaıynda áńgime órbigen.

Jıyn barysynda sóz sóılegen Adam quqyqtary jónindegi ýákil A.Shákirov óz sózinde Qazaqstandaǵy adam quqyqtarynyń qorǵalý jaǵdaıy men BUU konventsııalyq organdary usynymdarynyń oryndalý barysy týraly málimetter keltirdi. Sondaı-aq ol Ombýdsmen ınstıtýtynyń memleket pen qoǵamnyń arasynda medıatr retindegi róliniń jáne adam quqyqtaryn qorǵaý salasynda ozyq tájirıbeni engizýdiń mańyzdylyǵyn atap ótti.

Aıta keterligi, halyqaralyq sarapshylar Qazaqstanda iske asqan birqatar quqyq qorǵaý jobalary Ortalyq Azııa óńirindegi elderde qoldaný úshin paıdalanýy múmkin ekenin alǵa tartady.  Sonymen qatar, balalar quqyǵyn qorǵaý, azaptaýlardyń aldyn alý, azamattyq qoǵammen jáne memlekettik organdarmen árekettestik salalaryndaǵy qazaqstandyq Ombýdsmen keńsesi jumysynyń tájirıbesine shetel áriptesteri qyzyǵýshylyq bildirip otyr.

Kezdesý barysynda sarapshylar ulttyq quqyq qorǵaý mekemeleriniń rólin kúsheıtý, serpindi de turaqty qoǵam men memleket arnasynda halyqaralyq standarttarǵa sáıkes olarǵa úlken ınstıtýtsıonaldyq jáne quqyqtyq mártebesiniń qajettiligi týraly pikir bildirdi.

Eske salaıyq, Ystambuldaǵy BUU damý baǵdarlamasynyń óńirlik keńsesi jáne Adam quqyqtary jónindegi BUU Joǵary komıssary basqarmasynyń óńirlik bólimshesi Ortalyq Azııa elderiniń ulttyq quqyq qorǵaý mekemeleriniń óńirlik konsýltatsııalaryna bastamashylyq jasaǵan bolatyn.  Konsýltatsııalardyń jumysyna Ortalyq Azııa memleketteriniń ombýdsmenderi men zań shyǵarýshy jáne atqarýshy organdarynyń ókilderi, azamattyq qoǵamdary, sondaı-aq Malaızııanyń, Mońǵolııanyń, Serbııanyń, Fınlıandııanyń, Ulybrıtanııanyń, Shvetsııanyń, Ulttyq quqyq qorǵaý mekemelerdiń jahandyq alıansynyń, Azııa-Tynyq Muhıty Forýmynyń, Eýropalyq ombýdsmender qaýymdastyǵynyń halyqaralyq sarapshylary qatysty.