Ortalyq Azııada kóshbasshy mártebesin saqtap qalýymyz qajet - depýtat Áltaev

NUR-SULTAN. QazAqparat - QR Parlament Májilisiniń depýtaty Nurjan Áltaev kezekten tys prezıdenttik saılaýǵa qatysty pikir bildirdi, dep xabarlaıdy QazAqparat tilshisi.

Depýtat "Atameken" ulttyq kásipkerler palatasynda sheteldik ınvestorlarmen kóp jumys istegenin atap ótti.

«Kásipkerler de, ınvestorlar da bir nárseni oılaıdy. Aldaǵy ýaqytta ne bolady? Prezıdenttiń ornyna kim keledi? Qandaı sheshim qabyldaıdy? Qalaı áreket etedi? Bundaı suraqtar jumysty tejep otyrady. Sol sebepti bıyl maýsym aıynda prezıdenttik saılaýdy ótkizgen durys. Atalǵan shara kóptegen suraqtardyń jaýabyn berip, kásipkerlerge, ınvestorlarǵa, jalpy xalyqqa alańdamaı jumys isteýge múmkindik beredi", - dedi N.Áltaev Qazaqstandaǵy jastar uıymdarynyń arnaıy keńesinde.

Onyń aıtýynsha, búginde Qazaqstandy Ortalyq Azııadaǵy kóshbasshy memleket retinde jaqsy biledi. Osy ýaqytqa deıin elimizde biraz reformalar jasalyp, qyrýar ınvestıtsııalar tartyldy.

"Endigi kezekte, osy kóshbasshylyqty, osy mártebeni saqtap qalý qajet. Sondyqtan kezekten tys prezıdenttik saılaýdy ótkizý týraly sheshim der kezinde jasalyp otyr", - dep atap kórsetti N.Áltaev.

Aıta keteıik, keshe QR Prezıdenti Qasym-Jomart Toqaev xalyqqa úndeý joldap, kezekten tys prezıdenttik saılaýdy ótkizý týraly málimdegen bolatyn.

Búgin QR Ortalyq saılaý komıssııasy kandıdattardy usyný merzimin jarııalady.

Al saılaýaldy úgit-nasıxat jumystary kelesi aıda bastalady.