Ortalyq Azııada kóptegen məsele boıynsha Qazaqstan men Ózbekstannyń ustanymdary jaqyn

TAShKENT. QazAqparat - Qazaqstan men Ózbekstan arasyndaǵy dıplomatııalyq qatynastyń 25 jyldyǵyna arnalǵan konferentsııa barysynda Qazaqstan strategııalyq zertteý ınstıtýtynyń dırektory (QSZI) Zarema Sháýkenova eki respýblıkanyń kóptegen óńirlik jáne halyqaralyq máseleler boıynsha uqsas pozıtsııany ustanatyn óńirdegi negizgi elder ekendigin atap ótti, dep habarlaıdy «QazAqparat» HAA menshikti tilshisi.

«Qazaqstan men Ózbekstan Ortalyq Azııadaǵy negizgi memleketter sanalady. Bizdiń memleketterimiz sý-energetıkalyq keshen, birlesken ınfraqurylymdyq jobalar jáne Aýǵanstandaǵy jaǵdaıdy retteý máseleleri boıynsha uqsas ustanymǵa ıe. Kelesi jyly Aral teńizin qutqarý halyqaralyq qoryna 25 jyl tolady. Osyǵan baılanysty, 2018 jyly kezdesýlerdi joǵary deńgeıde ótkizý týraly sheshim qabyldandy», - dep atap ótti Zarema Sháýkenova.

QSZI basshysy Qazaqstan men Ózbekstannyń beıbitshilik pen qaýipsizdikti nyǵaıtýǵa mańyzdy úles qosa otyryp, Ortalyq Azııada turaqtandyrýshy ról oınaıtynyn atap ótti.

«Bizdiń elderimiz Birikken Ulttar Uıymynyń Qaýipsizdik Keńesiniń kún tártibinde Ortalyq Azııa máselelerin kóterý úshin birge jumys istep keledi. Osy baǵyt aıasynda biz BUU negizgi organynyń nazaryn birlesken óńirlik jobalardy júzege asyrý úshin halyqaralyq uıymdardy, donorlyq elderdi tartýǵa,  Ortalyq Azııa problemalaryn sheshýge aýdardyq», - dep qorytyndylady ol.