Ortalyq Azııada AITV-ınfektsııasynyń kóbirek taralýy Ózbekstanda baıqalyp otyr - ıÝNEIDS

ASTANA. QazAqparat - Ortalyq Azııada AITV-ınfektsııasynyń kóbirek taralýy Ózbekstanda baıqalyp otyr. Bul týraly Astanada ótken baspasóz máslıhatynda ıÝNEIDS (BUU AITV/JITS jónindegi birikken baǵdarlamasynyń) uıymynyń Shyǵys Eýropa jáne Ortalyq Azııadaǵy óńirlik dırektory Vıneı Saldana málim etti.

Onyń sózine qaraǵanda, Ortalyq Azııada aýrýdyń taralýynyń múldem ártúrli aýqymy baıqalyp otyr. Óńirde AITV-nyń eń kóp taralýy Ózbekstanda tirkelip otyr. Mamannyń paıymynsha, buǵan óńir boıynsha osy elde halyq sanynyń kóptigine baılanysty bolyp otyr.

«Osy elde tirkelgen AITV oqıǵalarynyń sany aıtarlyqtaı kóp. Bul turǵyda Qyrǵyzstan men Tájikstanda ortasha jaǵdaı baıqalýda», - dedi V. Saldana.

ıÝNEIDS ókiliniń aıtýynsha, Túrkimenstan  óńir boıynsha BUU-ǵa AITV faktileri jóninde múldem habarlamaǵan jalǵyz el bolyp tabylady.