Ortalyq Azııa jastarynyń keńesi qurylady

ASTANA. QazAqparat - Samarqand qalasynda Ortalyq Azııa jastarynyń alǵashqy forýmy ótip jatyr. Bul týraly «Jas Otan» JQ baspasóz qyzmetinen habarlady.

Forým barysynda «Jas Otan» Tóraǵasy Danııar Súndetbaev Ortalyq Azııa jastarynyń keńesin qurýdy usyndy. Onyń aıtýynsha, qurylǵan keńes 2019 jyly Nıý-Iork qalasynda BUU-nyń Ekonomıkalyq jáne áleýmettik keńesi ótkizetin  halyqaralyq jastar forýmynda  Ortalyq Azııa elderiniń atynan qatysatyn bolady.

Qazaqstan jastarymen qatar, forýmǵa qatysýshylar Qyrǵyzstan, Tájikstan, Túrkmenstan jáne Reseı elderinen kelgen. Ortalyq Azııa elderinen kelgen qonaqtar aımaqtyń turaqty áleýmettik-ekonomıkalyq damý úderisine jas kóshbasshylardyń qatysýy taqyrybyn talqylaıdy.   

Sondaı-aq, forým qatysýshylary men qonaqtary 2019 jyly Qazaqstannyń jańa qurylǵan Túrkistan oblysynda ótetin Ortalyq Azııa jastarynyń kelesi forýmyna shaqyrtý aldy.

Bes kúnge sozylǵan forým nátıjesinde qatysýshy elder «2019-2021 jyldar aralyǵyndaǵy ózara seriktestik» týraly memorandýmǵa qol qoıady.