Ortalyq Azııa jastary radıkaldy kúshterdiń nazarynda – sarapshy

ASTANA. QazAqparat – «Ortalyq Azııa-2030:Bolashaqtyń kelbeti» atty sarapshylar kezdesýinde Ózbekstan Prezıdenti janyndaǵy Strategııalyq jáne óńiraralyq zertteýler ınstıtýtynyń dırektory Eldor Arıpov Ortalyq Azııa jastarynyń róli týraly aıtty, dep habarlaıdy QazAqparat tilshisi.

Otalyq Azııa elderi 2030 jylǵa deıin qandaı qaterlermen betpe-bet kelýi múmkin degen taqyrypta áńgime órbitken spıker óńir jastaryn da qaterdiń bir kózi retinde kóretinin jasyrmady.

«Ortalyq Azııa – halqy jas aımaqtardyń biri. Turǵyndardyń 35 paıyzǵa deıingi úlesin jastar quraıdy. Bul jastar jumys oryndaryna, áleýmettik satylarǵa, joǵary bilimge muqtaj. Bul jastar bizdiń ǵana emes, Ortalyq Azııa úkimetteriniń ǵana emes, sondaı-aq túrli destrýktıvti kúshterdiń nazarynda ekenin túsiný kerek. Olar bizdiń jastarǵa radıkaldy qundylyqtardy, radıkaldy ıdeıalardy tańýǵa talpynýy múmkin. Sondyqtan Ortalyq Azııa jastary úshin júretin talas – bolashaq úshin kúres deýge bolady. Biz muny da sezinip, ortaq kúsh-jigerimizdi bul máselege de shoǵyrlandyrýymyz kerek. Sonda ǵana bul qaterdi birlesip eńsere alamyz», - dedi ózbekstandyq sarapshysy.