Ortalyq Azııa SІM ókilderi qaýipsizdik máselelerin talqylady

TAShKENT. QazAqparat - Tashkent qalasynda Qazaqstan Respýblıkasy Syrtqy ister mınıstriniń orynbasary Erjan Ashyqbaev BUU-nyń Ortalyq Azııa úshin aldyn alý dıplomatııasy boıynsha óńirlik ortalyǵynyń (BUU OAADÓO) uıymdastyrýymen ótken Ortalyq Azııa elderi syrtqy ister mınıstrleriniń orynbasarlarynyń jyl saıynǵy kezdesýine qatysty, dep habarlaıdy QazAqparat.

Otyrysqa Ortalyq Azııadaǵy bes eldiń syrtqy ister mınıstrleriniń orynbasarlary, sondaı-aq BUU OAADÓO basshysy - BUU Bas hatshysynyń arnaıy ýákili Natalıa German, BUU-nyń birqatar joǵary laýazymdy ókilderi jáne AIR boıynsha arnaıy sessııasyna Aýǵanstan Syrtqy ister mınıstriniń orynbasary Nahıd Esar bastaǵan aýǵan delegatsııasy qatysty.

Іs-shara barysynda Ortalyq Azııadaǵy turaqtylyq pen qaýipsizdikke óńirlik jáne ultaralyq syn-qaterler, óńir elderi jáne BUU OAADÓO-nyń osy syn-qaterlerdi sheshý jónindegi birlesken jumysynyń nátıjeleri, sonymen qatar óńirlik yntymaqtastyqty odan ári damytý perspektıvalary talqylandy.

E.Ashyqbaev óz sózinde Qazaqstan Ortalyq Azııa memleketteriniń óńirlik jaqyndasýynyń keńeıýin árdaıym qoldaıtynyn jáne ózara senim men ortaq múddelerdi qurmetteýge negizdelgen óńirdiń saıası jáne ekonomıkalyq turaqty, qaýipsiz damýyna elimizdiń erekshe qyzyǵýshylyǵyn atap ótti. Ol Ortalyq Azııa kezigip otyrǵan birqatar qaýip-qaterlerge jáne olarǵa tótep berý sharalaryna toqtaldy.

Óńirdegi negizgi syn-qaterlerdiń qatarynda terrorızm men ekstremızm, esirtkiniń zańsyz aınalymy jáne transulttyq qylmys, adam saýdasy, sý-energetıka jáne ekologııalyq máseleler, tranzıt jáne álemdik naryqqa shyǵý máseleleri atap aıtyldy.

Jalpy, spıkerler óńirlik yntymaqtastyqtyń damý dınamıkasyn oń baǵalap, oǵan mańyzdy serpin Nur-Sultan men Tashkenttegi sammıtter bolǵanyn atap aıtty. Sonymen qatar, kórshi Aýǵanstanmen yntymaqtastyqty nyǵaıtýdyń jáne ony qaýip-qater kózi retinde emes, seriktes retinde qabyldaýdyń mańyzdylyǵyna nazar aýdarady.

Úkimetter men jastar arasyndaǵy aımaqtyq únqatysý jónindegi BUU OAADÓO bastamasynyń aıasynda jastar ókilderimen óńir damýynyń bolashaǵyn talqylaýǵa arnalǵan jeke sessııa bolyp ótti.

Osy formatta ótken kezdesý ózin aımaqtyq sıpattaǵy máselelerdi talqylaý jáne olar boıynsha sheshim qabyldaý úshin tıimdi tuǵyrnama retinde kórsetti.

Sondaı-aq, is-shara aıasynda E. Ashyqbaev óziniń Ortalyq Azııalyq áriptesterimen birqatar kezdesýler ótkizip, ekijaqty qatynastardyń qazirgi jaǵdaıy men túrli formattaǵy yntymaqtastyqty nyǵaıtý perspektıvalaryn talqylandy. Syrtqy ister mınıstriniń orynbasary sonymen birge BUU Arnaıy ókili N.Germanmen kezdesip, Qazaqstan Respýblıkasy men Ortalyq arasyndaǵy yntymaqtastyqty odan ári keńeıtý men tereńdetýdi máseleleri boıynsha pikir almasty.