Ortalyq Azııa óńirinde majar kompanııalarynyń múmkindikteri keńeıtilmek

NUR-SULTAN. QazAqparat – Majarstanmen ekijaqty saýdany ulǵaıtý arqyly ózara tıimdi yntymaqtastyqty nyǵaıtý mańyzdy. Bul týraly QR Premer-Mınıstriniń orynbasary – Syrtqy ister mınıstri Muhtar Tileýberdi málim etti, dep habarlaıdy QazAqparat tilshisi.

«Majarstan – Ortalyq jáne Shyǵys Eýropadaǵy bizdiń senimdi serigimiz ári dosymyz. 2020 jyly koronavırýs pandemııasy kezeńinde tórt júzden astam Qazaqstan azamatyn otanyna qaıtarýǵa kómekteskeni úshin Majarstan Úkimetine alǵysymyzdy bildiremiz. Sonymen qatar, «Gedeon Richter» majar farmatsevtıkalyq kompanııasyna 2020 jylǵy jeltoqsanda Qazaqstanǵa COVID-19 indetimen kúrestegi gýmanıtarlyq kómek retinde «Ardýan» preparatynyń 500 qaptamasyn jetkizgeni úshin alǵys aıtqym keledi», - M. Tileýberdi.

Mınıstrdiń aıtýynsha, búgingi kelessózderde ekonomıkalyq ózara is-qımyldy tereńdetý jáne ekijaqty saýdany ulǵaıtý arqyly ózara tıimdi yntymaqtastyqty odan ári nyǵaıtýdyń mańyzdylyǵy atalyp ótti. Energetıka, sý sharýashylyǵy, bilim berý salalaryndaǵy yntymaqtastyqqa, sondaı-aq Vyshegrad toby (Ortalyq-Shyǵys Eýropa) jáne Ortalyq Azııa elderiniń tranzıt-kóliktik áleýetin tıimdi paıdalanýǵa erekshe nazar aýdaryldy.

«Búgin Astana halyqaralyq qarjy ortalyǵynyń alańynda Majarstan Eksport-ımport banki ofısiniń resmı ashylý saltanaty ótetinin qýanyshpen atap ótemiz. Bul Ortalyq Azııa óńirinde majar kompanııalarynyń múmkindikterin odan ári keńeıtýge yqpal etedi», - dedi Muhtar Tileýberdi.

Budan buryn habarlanǵandaı, búgingi kelessiózderden keıin taraptar eki el arasyndaǵy birneshe qujatqa qol qoıdy.