Ortalyq Azııa elderiniń terrorızmge qarsy kúres týraly jıyny Ashhabadta ótedi

TAShKENT. QazAqparat - 2017 jyldyń 13 maýsym kúni Ashhabadta Ortalyq Azııa men BUU elderiniń Jahandyq kontrterrorıstik strategııalardy júzege asyrý boıynsha jıyn ótedi, dep habarlaıdy «QazAqparat» HAA menshikti tilshisi.

Kezdesýge Qazaqstan, Qyrǵyzstan, Túrikmenstan, Tájikstan jáne Ózbekstan elderiniń mınıstrleri men joǵary shendi tulǵalar, sondaı-aq ulttyq qaýipsizdik organdary men kontrterrorıstik agenttik qurylymdarynyń basshylary qatysady.

Atalǵan jıyn BUU bas hatshysy Antonıý Gýterrıshanyń tóraǵalyǵymen ótedi. Kezdesýdiń basty maqsaty BUU-nyń óńirlik deńgeıdegi jahandyq kontrterrorıstik strategııany júzege asyrý boıynsha birinshi qujat sanalatyn Ortalyq Azııa úshin birikken is-qımyl josparyn oryndaýǵa sholý jasaý bolyp tabylady.

Bul kezdesý «Ortalyq Azııadaǵy BUU-nyń jahandyq kontrterrorıstik strategııany júzege asyrý boıynsha birlesken is-qımyl josparyn oryndaý» jobasynyń ekinshi kezeńin qorytyndylaıtyn is-shara.

Eske salaıyq, jahandyq kontrterrorıstik strategııa Bas Assambleıa konsensýs negizinde 2006 jyly qabyldaǵan bolatyn.