Ortalyq Azııa elderi sý jınaý lımıtin bekitti
Beınekonferentsııa formatynda Memleketaralyq sý sharýashylyǵy úılestirý komıssııasynyń 80-shi otyrysy ótti.
Otyrys Tájikstan Respýblıkasy Energetıka jáne sý resýrstary mınıstriniń birinshi orynbasary Djamshed Shoımzodtyń tóraǵalyq etýimen ótti.
Qazaqstandyq delegatsııany Ekologııa, geologııa jáne tabıǵı resýrstar vıtse-mınıstri Serik Qojanııazov basqardy.
Ózbekstan Respýblıkasynan Sý sharýashylyǵy mınıstri Shavkat Hamraev, Túrkimenstan Respýblıkasynan Sý resýrstary memlekettik komıtetiniń birinshi orynbasary Dovletmýrad Mammedov qatysty.
Kezdesý barysynda 2020-2021 jyldardaǵy vegetatsııaaralyq kezeńniń qorytyndylary qaraldy, sondaı-aq elderdiń sý tartý lımıtteri bekitildi jáne 2021 jylǵy vegetatsııalyq kezeńge arnalǵan Naryn-Syrdarııa sý qoımalary kaskadynyń jumys rejımderi qaraldy.
Sonymen qatar, Ortalyq Azııanyń Memleketaralyq sý sharýashylyǵy úılestirý komıssııasynyń ǵylymı-aqparattyq ortalyǵy Túrkmenbashy qalasynda ótken HAQQ quryltaıshy memleketteri basshylarynyń sammıtinde aıtylǵan usynystar men bastamalardy oryndaý úshin júrgizilip jatqan jumystardyń barysy týraly baıandady.
Taraptar HQKK jumysy sheńberinde ózara qurmet jáne tatý kórshilik qaǵıdattary negizinde jan-jaqty yntymaqtastyqty nyǵaıta túsedi.