Ortalyq Azııa elderi Aral teńizi alabynyń ekologııalyq ahýalyn jaqsartýǵa bet burdy

ASTANA. QazAqparat - Ashhabadta Ortalyq Azııadaǵy sý yntymaqtastyǵyn nyǵaıtý, Aral teńizi alabynyń áleýmettik-ekonomıkalyq jáne ekologııalyq ahýalyn  jaqsartýǵa, tehnıkalyq qoldaý kórsetýge arnalǵan memorandýmdarǵa qol qoıyldy. 

Bul týraly Qazaqstandaǵy Túrikmenstan elshiligi habarlaıdy.

Ashhabadta Halyqaralyq Araldy qutqarý qory Atqarýshy komıteti ǵımaratynda «Ortalyq Azııadaǵy sý resýrstaryn transshekaralyq basqarý (OA SRTB)» aımaqtyq baǵdarlamasy,  Araldy qutqarý qory Atqarýshy komıteti jáne Ortalyq Azııa  aımaqtyq ekologııalyq ortalyǵy usynysy boıynsha, Halyqaralyq Araldy qutqarý qory Atqarýshy komıteti men German halyqaralyq áriptestik jónindegi qoǵamy (GIZ) arasynda ózara túsinistik týraly eki memorandýmǵa qol qoıý rásimi ótti. 

Memorandýmdarǵa qol qoıylǵannan keıin, taraptar osy rásimniń aımaqtyq áriptestikti ulǵaıtýǵa jáne nyǵaıtýǵa qosymsha ımpýls bolatynyna, sondaı-aq Aral teńizi mańynda tirshilik etetin halyqtyń  ıgiligine qyzmet etetinine senim bildirdi.