Ortalyq Azııa elderi 170 mlrd dollar ınvestıtsııa tarta alady - SІM

ASTANA. QazAqparat – Halyqaralyq qaýymdastyq Ortalyq Azııany ınvestıtsııa salýǵa eń áleýetti óńirlerdiń biri retinde moıyndap otyr. Syrtqy ister mınıstriniń orynbasary Ermuhambet Qonyspaev «Ortalyq Azııa-2030: Bolashaqtyń kelbeti» atty sarapshylar kezdesýinde osyndaı pikir bildirdi, dep habarlaıdy QazAqparat tilshisi.

«Sonymen birge Ortalyq Azııa ınvestıtsııa salýǵa eń áleýetti óńirlerdiń biri retinde moıyndalyp otyr. Halyqaralyq baǵalaýlarǵa súıensek, aldaǵy 10 jyldyń ishinde óńirdiń tikeleı sheteldik ınvestıtsııa tartý múmkindigi 170 mlrd dollarǵa deıin jetýi múmkin. Onyń ishinde ekonomıkanyń shıkizattyq emes salasyna 80 mlrd dollarǵa deıni ınvestıtsııa tartýǵa bolatyny aıtylyp júr. Bizdiń baǵalaýymyzsha, munyń bári elderimizdiń besjaqty ózara baılanysyn damytýdyń mańyzy joǵary ekenin kórsetedi», - dedi mınıstrdiń orynbasary.

Vıtse-mınıstr byltyr álemniń jetekshi elderi «Ortalyq Azııa+» formatyndaǵy kezdesýler ótkizýge erekshe qyzyǵýshylyq tanytqanyn atap ótti.

«Ótken jyldyń ón boıynda álemdegi jetekshi elderdiń «Ortalyq Azııa+» formatynda ózara tıimdi áriptestik pen baılanys ornatýǵa degen qyzyǵýshylyǵy kúrt óskenin kórdik. Byltyr Japonııa, Ońtústik Koreıa, Germanııa, AQSh, Úndistan, Qytaı, Reseı, memleketterinińe Eýropalyq Odaqtyń, Parsy shyǵanaǵyndaǵy arab elderiniń qatysýymen birneshe aýqymdy sharalar ótti. Bul sharalar tutas óńirdiń beıbitshilik pen turaqtylyqty, azyq-túlik qaýipsizdigin tatý kórshilik pen ózara qoldaý rýhynda qamtamasyz etýdegiǵ Aýǵanstan máselesin retteýdegi jáne Eýropa men Azııa arasyndaǵy balama kólik dálizderin qalyptastyrýdaǵy, esirtki aınalymyna reıdter júrgizýdegi mańyzy artyp kele jatqanyn kórsetti», - dedi Ermuhambet Qonyspaev.