Ortalyq Azııa basshylary berik dostyqtyń belgisi retinde kóshet otyrǵyzdy

TAShKENT. qazAqparat – Ortalyq Azııa elderi dostyq jáne yntymaqtastyq belgisi retinde kóshet otyrǵyzdy, dep habarlaıdy «QazAqparat» HAA menshikti tilshisi Ózbekstan Respýblıkasy prezıdentiniń baspasóz qyzmetine silteme jasap.

Nátıjeli kelissózderden keıin Konsýltatıvtik kezdesý aıasynda Ortalyq Azııa memleketteriniń basshylary Kýksaroı rezıdentsııasynda Qurmetti qonaqtar alleıasynda aǵash kóshetterin otyrǵyzdy.

Baspasóz qyzmeti habarlaǵanda, bul aǵashtardyń ósýi Ózbekstan, Qazaqstan, Qyrǵyzstan, Tájikstan men Túrikmenstan elderiniń berik dostyǵy men yntymaqtastyǵyn bildiredi.

Eske sala keteıik, QR Tuńǵysh Prezıdenti Nursultan Nazarbaev Tashkentte ótip jatqan Ortalyq Azııa elderi basshylarynyń Ekinshi Konsýltatıvtik kezdesýine qatysyp jatyr.

Mıras Qýandyqov