Ortalyq Azııa aımaǵy úshin selektsııalyq-genetıkalyq ortalyq qurylýy múmkin

ASTANA. QazAqparat - Ortalyq Azııa aımaǵy úshin selektsııalyq-genetıkalyq ortalyq qurylýy múmkin. Qytaı Halyq Respýblıkasyna jumys saparynda QR Premer-mınıstriniń orynbasary - Aýyl sharýashylyǵy mınıstri Asqar Myrzahmetov QHR Aýyl sharýashylyǵy mınıstri Han Chanfýmen kezdesýi barysynda osy másele talqylandy, dep habarlaıdy QazAqparat.

Kezdesý barysynda taraptar 2016 jyly qol qoıylǵan Qazaqstan men Qytaı aýyl sharýashylyǵy mınıstrlikteri arasyndaǵy arasyndaǵy birikken is-qımyl jónindegi Jospardy iske asyrý máselesin talqylaǵan bolatyn.

«Budan bólek aýyl sharýashylyǵy salasynda ǵylymı-tehnıkalyq ózara qoldaý jáne «Ońtústik-Ońtústik» halyqaralyq baǵdarlamasy aıasynda ózara yntymaqtasý týraly áńgime órbidi. Taraptar aýyl sharýashylyǵy tehnologııasynyń transferti men ǵylymı-tehnıkalyq yntymaqtastyq jónindegi vedomstvalar aralyq jumys tobyn jasaqtaýǵa ýaǵdalasty. Sonymen qatar Ortalyq Azııa aımaǵy úshin selektsııalyq-genetıkalyq ortalyq qurý máseleleri de nazarǵa alyndy», - delingen baspasóz baıanynda. 

Aıta keteıik, A.Myrzahmetov buǵan deıin QHR Sapany qadaǵalaý, ınspektsııa jáne karantın jónindegi bas basqarmasy tóraǵasy Chjı Shýpınmen kezdesken edi. Onda kórshiles elge eksporttalatyn bıdaı kebegi partııalaryna qoıylatyn ınspektsııa, karantın jáne sanıtarlyq talaptar týraly Hattamaǵa qol qoıylǵan bolatyn.